„Jón Gnarr og félagar verða nú að svara því hvers vegna þeir styðja þetta athæfi formanns Bjartrar framtíðar sem með sama áframhaldi mun tryggja Íslandi svarta en ekki bjarta framtíð,“ segir Þór Saari, þingmaður Hreyfingarinnar, á heimasíðu sinni í dag og beinir þar þeirri spurningu til Jóns Gnarr, borgarstjóra Reykjavíkur, hvort hann sé sáttur við að Björt framtíð standi að því að koma í veg fyrir að frumvarp að nýrri stjórnarskrá nái fram að ganga fyrir kosningarnar í vor.

„Sem kunnugt er þá er borgarstjórinn í Reykjavík ásamt föngulegum hópi úr Besta flokknum s.s. Óttari Proppé og fleirum í framboði fyrir Guðmund Steingrímsson, formann Bjartrar framtíðar. Sá sami Guðmundur hefur róið að því öllum árum undanfarnar vikur að eyðileggja framgang stjórnarskrármálsins á Alþingi á forsendum þess að eftir kosningarnar 27. apríl náist breið samstaða á Alþingi um að klára málið þá,“ segir hann ennfremur.

Þór segir að um grafalvarlegt mál sé að ræða „þar sem Guðmundur og Björt framtíð og þá væntanlega með samþykki Jóns Gnarr og Besta flokksins eru að stöðva framgang stjórnarskrármálsins“.

Tengdar fréttir

Stjórnarskrármálið

Einkaverkefni forsætisráðherra

• Stjórnarskrárfélagið málaði hönd Danakonungs bláa
• Rúmlega helmingur styður tillögur stjórnlagaráðs
• Katrín vill sátt um annað en ósættið
• Feneyjanefndin skýrir mál sitt

» Fleiri tengdar fréttir

• 2 blogg um fréttina

Bloggað um fréttina

• Jóhann Elíasson: ÞAÐ ER EKKI MIKILL MUNUR Á KÚK OG SKÍT................................
• Jón Ingi Cæsarsson: Skilningsvana þingmaður eða poppulismi ?