Lífróður kajakræðarans Guðna Páls Viktorssonar hófst um kl. 10:40 þegar hann lagði af stað frá Höfn í Hornafirði. Guðni Páll hyggst róa hringinn í kringum landið en tilgangurinn er að safna fé til styrktar Samhjálp.

Guðni Páll mun í fyrstu róa til Víkur í Mýrdal, en hann áætlar að koma þangað á föstudag.

Sigurlaug Ragnarsdóttir hjá Samhjálp fylgdist með Guðna Páli ýta úr vör. „Það er mjög kalt en yndislega fallegt veður,“ sagði hún í samtali við mbl.is. Hún bætti við að mjög margir hefðu verið mættir til að fylgjast með.

„Það er sko ekki neinn bilbug á þessum dreng að finna,“ segir Sigurlaug ennfremur um Guðna Pál, sem þurfti að leggja af stað degi á undan áætlun vegna veðurs.

Áætlað er að alls taki róðurinn um landið sex til átta vikur en vegalengdin er um 2.500 kílómetrar.

Nánar um lífróðurinn.

Tengdar fréttir

Lífróður Guðna Páls umhverfis Ísland

Ræðari valinn Vestfirðingur ársins

• „Ég er gríðarlega stoltur“
• Guðni Páll lokar hringnum í kvöld
• Við ráðum ekki við veðurguðina
• Tveir til þrír dagar eftir

» Fleiri tengdar fréttir

• 1 blogg um fréttina

Bloggað um fréttina

• Börkur Hrólfsson: Ha ? Hvort gerir hann ?