Erfitt að fá vinnu við hæfi

Ungt og vel menntað fólk, sem hefur jafnvel tvær meistaragráður, á í erfiðleikum með að fá atvinnu við hæfi eftir útskrift. Algengt er að um og yfir hundrað manns sæki um störf sem vinnumiðlanir auglýsa þessa dagana.

Að sögn Þóris Þorvarðarsonar, ráðningarstjóra Hagvangs, virðist vera minna framboð á störfum fyrir fólk með sér- eða háskólamenntun en almennum störfum.

Í fréttaskýringu um mál þetta í Morgunblaðinu í dag segir Þórir fjölda umsækjenda verða til þess að margt ungt fólk fái ekki vinnu við sitt hæfi frekar en reynsluleysi þess.