Aðildarumsókn verði dregin til baka

Stjórn Ísafoldar, félags ungs fólks gegn ESB, hvetur ríkisstjórnina til þess að leggja fram og samþykkja þingsályktunartillögu þess efnis að aðildarumsókn Íslands að ESB verði dregin til baka strax á nýju ári. Kannanir síðan 2010 hafa sýnt andstöðu landsmanna við ESB aðild og niðurstaða alþingiskosninga 2013 undirstrika þá skýru afstöðu. Þetta kemur fram í fréttatilkynningu frá félaginu.

„Þá vill félagið minna á loforð ríkisstjórnarinnar um að ekki verði sótt að nýju um aðild nema að undangenginni þjóðaratkvæðagreiðslu. Ísafold félag ungs fólks gegn ESB aðild óskar landsmönnum gleðilegrar hátíðar og farsældar á nýju ári og þakkar veittan stuðning á því liðnu,“ segir í tilkynningunni. 

Aðalfundur Ísafoldar var haldinn á dögunum. Halldóra Hjaltadóttir stjórnmálafræðinemi var endurkjörin formaður félagsins, segir í tilkynningu.

• 1 blogg um fréttina

Bloggað um fréttina

• Óðinn Þórisson: UppGjörið Var 27.apríl