Tæp 82% vilja greiða atkvæði
Setja bókamerki
Yfirgnæfandi meirihluti landsmanna vill þjóðaratkvæðagreiðslu um framhald aðildarviðræðna Íslands við ESB samkvæmt skoðanakönnun Fréttablaðsins og Stöðvar 2. Tæplega 40 þúsund hafa skrifað undir áskorun um að haldin verði þjóðaratkvæðagreiðsla um aðildarumsóknina.
Samkvæmt könnuninni sem birt er í Fréttablaðinu í dag vilja 81,6 prósent landsmanna að haldin verði þjóðaratkvæðagreiðsla um hvort halda eigi aðildarviðræðum við ESB áfram eða slíta þeim. Um 18,4 prósent vilja það ekki.
Í könnun Fréttablaðsins og Stöðvar 2 sem gerð var í lok janúar sögðust 74,6 prósent vilja að atkvæðagreiðsla um framhald aðildarviðræðna yrði haldin samhliða sveitarstjórnarkosningum í vor.
Gunnar Bragi Sveinsson utanríkisráðherra mælti í gær fyrir þingsályktunartillögu þar sem lagt var til að viðræðum við ESB yrði slitið tafarlaust. Í ræðu á Alþingi benti Gunnar Bragi á að skoðanakannanir sýndu að meirihluti þjóðarinnar væri á móti aðild að Evrópusambandinu, segir í Fréttablaðinu í dag.
Lögreglan leitar eftir myndefni í tengslum við andlátið
Björninn sagður nálægt byggð
Komu saman á kyrrðar- og bænastund
Vendingar vestanhafs geti haft áhrif hér heima
Eðlileg viðbrögð að fella tár
Maðurinn sem leitað var að fannst látinn
Óánægja er með áform um efnistöku
Gerðu umfangsmiklar loftárásir á Líbanon