Ríkissaksóknari staðfestir að embættið hefur til rannsóknar ætluð brot lögreglumanns vegna uppflettingar og meðferðar á upplýsingum úr upplýsingakerfi lögreglunnar. Tveir aðrir menn hafa réttarstöðu sakborninga við rannsóknina. Þetta kemur fram í frétt á vef ríkissaksóknara.

Mbl.is greindi frá því á sunnudag að lögreglumanni hjá embætti lögreglustjórans á höfuðborgarsvæðinu hefði tímabundið verið vikið frá störfum vegna rannsóknar á meintum brotum hans í starfi. 

Samkvæmt heimildum mbl.is var lögreglumaðurinn handtekinn fyrir páska þar sem hann var í sumarhúsi á landsbyggðinni. 

Í frétt ríkissaksóknara segir:

„Vegna umfjöllunar fjölmiðla um mál sem varðar m.a. ætluð brot lögreglumanns staðfestir ríkissaksóknari að embættið hefur til rannsóknar, á grundvelli 1. mgr. 35. gr. lögreglulaga nr. 90/1996, ætluð brot lögreglumanns vegna uppflettingar og meðferðar á upplýsingum úr upplýsingakerfi lögreglu (LÖKE). Rannsóknin lýtur einkum að ætluðum brotum á ákvæðum XIV. kafla almennra hegningarlaga nr. 19/1940, sem fjallar um brot í opinberu starfi. Tveir aðrir menn hafa réttarstöðu sakborninga við rannsóknina.“

Lögreglustjórinn á Suðurnesjum aðstoðar ríkissaksóknara við rannsókn málsins, sbr. 3. mgr. 35. gr. lögreglulaga.

Frétt mbl.is: Brot lögreglumanns til rannsóknar

Tengdar fréttir

LÖKE-málið

Hálf milljón á mann í bætur í Löke-máli

• Ljúka LÖKE-máli með greiðslu bóta
• Fékk 210 símtöl á 12 tímum
• Segir eftirlit með lögreglu upp á punt
• Staðfestir niðurfellingu LÖKE-máls

» Fleiri tengdar fréttir

• Blogga um frétt