Stöðugleiki í veiðiráðgjöf Hafrannsóknastofnunar á milli ára er jákvæður en nýliðun nytjastofna er áhyggjuefni, að sögn Sigurðar Inga Jóhannssonar sjávarútvegsráðherra.

Stofnunin kynnti ráðgjöf sína fyrir fiskveiðiárið 2014-2015 í gær. Helstu tíðindin í henni eru að hámarksaflamark þorsks eykst minna en menn höfðu vonast til og ráðgjöf í ýsu heldur áfram að dragast saman. Gróf áætlun LÍÚ gerir ráð fyrir að útflutningsverðmæti sjávarútvegsins dragist saman um 800 milljónir króna miðað við aflamark síðasta fiskveiðiárs.

Í umfjöllun um mál þessi í Morgunblaðinu í dag segir Sigurður Ingi, að léleg nýliðun nytjastofna ár eftir ár kalli á frekari rannsóknir. Mikilvægt sé að Hafró sé í stakk búin til þess, þar á meðal fjárhagslega.

Tengdar fréttir

Kvótafrumvarp

Skilar smám saman auknum heimildum

• Mikið fer til samfélagsins
• Álagning veiðigjalda minnkaði
• Óháð úttekt til að skapa sátt
• Þrjú útgerðarfélög fengu 21,5%

» Fleiri tengdar fréttir