Von er á hvalveiðibátnum Hval 9 í Hvalstöðina í Hvalfirði fyrir miðjan dag með fyrstu langreyðina sem veiðist á þessari vertíð.
Hvalur 9 var að sigla inn í mynni Hvalfjarðar um eittleytið og á því tæplega tveggja tíma siglingu eftir, segir í frétt Skessuhorns.
Í fyrra kom fyrsta langreyðurin á land 18. júní. Hvölunum verður landað í Hvalstöðinni í Hvalfirði sem fyrr.
Veiða má 154 langreyðar á þessu fiskveiðiári. Í fyrra veiddu skip fyrirtækisins 134 dýr.