Niðurstöður kosninga um verkfallsaðgerðir hjá Skurðlæknafélagi Íslands (SKÍ) liggja fyrir.
Rúmlega 94% félagsmanna tóku þátt. Af þeim samþykktu 96% að fara í verkfallsaðgerðir.
„Framar öðru er þetta sorglegt og mikill áfellisdómur um stjórnun íslensks heilbrigðiskerfis,“ segir í tilkynningu sem Helgi Kjartan Sigurðsson, formaður SKÍ og samninganefndar SKÍ, sendi mbl.is.
Næsti fundur með samninganefnd ríkisins er boðaður hjá ríkissáttasemjara á föstudaginn,10. október.