Hálfu ári eftir að Hæstiréttur átaldi þann drátt sem orðið hefur á dómkvaðningu yfirmatsmanna í máli ákæruvaldsins gegn Annþóri Kristjáni Karlssyni og Berki Birgissyni virðist sem skriður sér kominn á viðræður við hugsanlega yfirmatsmenn. Þýðing er hafin á skjölum málsins þrátt fyrir að staðfesting liggi ekki fyrir.

Þeir Annþór og Börkur eru ákærðir fyr­ir að hafa 17. maí 2012 veist í sameiningu með of­beldi að fanga á Litla-Hrauni og veitt hon­um högg á kvið með þeim af­leiðing­um að rof kom á milta og á bláæð frá milt­anu sem leiddi til dauða hans skömmu síðar af völd­um inn­vort­is blæðinga.

Við fyrirtöku málsins í byrjun október 2013 var tekist á um hvort fá ætti erlenda sérfræðinga til að fara yfir mat réttarmeinafræðings á krufningarskýrslu og yfir skýrslu tveggja prófessora í sálfræði sem dómkvaddir voru til að greina atferli fanga á upptökum úr öryggismyndavélum. Héraðsdómur Suðurlands féllst á kröfu verjenda um yfirmatsmenn en rúmt ár hefur liðið án dómkvaðningar þeirra. Raunar féllst dómari málsins á tillögu verjenda í málinu um yfirmatsmenn en Hæstiréttur felldi úrskurð um þá úr gildi í maí síðastliðnum og gerði dómaranum sjálfum að finna matsmenn.

Samkvæmt heimildum mbl.is hefur dómari málsins litið til Norðurlanda eftir yfirmatsmönnum og er þýðing á skjölum málsins hafin yfir á „skandinavísku“. Hins vegar hafa engin nöfn í þessu sambandi verið staðfest. Enn er því að bíða að málið verði tekið fyrir að nýju. Á meðan afplána Annþór og Börkur dóm fyrir eldri mál.

Tengdar fréttir

Annþór og Börkur

Hæstiréttur hafnaði málskotsbeiðni Annþórs

• Ríkið sýknað af 120 milljóna kröfu Barkar
• Annþór og Börkur sýknaðir í Hæstarétti
• Dómur í máli Annþórs og Barkar í dag
• Ekki hægt að grípa næsta mann og ákæra

» Fleiri tengdar fréttir

• Blogga um frétt