„Landvarðafélag Íslands fordæmir að ríkisstofnunin Orkustofnun leggi til virkjanir innan og í jaðri þjóðgarðs og annarra friðlýstra verndarsvæða okkar Íslendinga.“ Þetta segir í yfirlýsingu frá Landvarðafélagi Íslands vegna tillögu Orkustofnunar að 50 virkjanahugmyndum fari til umfjöllunar hjá verkefnisstjórn í þriðja áfanga rammaáætlunar. Slíkar framkvæmdir gangi gegn ákvæðum náttúruverndarlaga um röskun friðlýstra náttúruminja og fleiri lögum.

„Með tillögum sínum gerir Orkustofnun alvarlega atlögu að þeirri vinnu sem unnin hefur verið í tengslum við rammaáætlun. Beiðni stofnunarinnar um að virkjanahugmyndir sem settar voru í verndarflokk í öðrum áfanga rammaáætlunar séu aftur til umfjöllunar í þriðja áfanga er hrein og klár aðför að þeirri sátt sem þó ríkti um vinnu verkefnisstjórnar og aðferðafræði rammaáætlunar. Þannig vinnur Orkustofnun blákalt gegn þeirri yfirlýstu stefnu sem fólgin er í gerð rammaáætlunar; að skapa betri sátt og yfirsýn yfir nýtingu og vernd landsins, þjóðinni allri til heilla.“

Tengdar fréttir

Rammaáætlun

Saknar aðkomu þjóðarinnar

• Smíða þyrfti rammaáætlun um stjórnmálamenn
• „Þetta er vandamál okkar allra“
• Beint: Málstofa um framtíð rammaáætlunar
• Stýrihópur endurskoðar lög um rammaáætlun

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Versti virkjanakostur landsins enn á dagskrá !