Óttarr Proppé, þingmaður Bjartrar framtíðar og nefndarmaður í utanríkismálanefnd Alþingis, segir óljóst eftir fund nefndarinnar í morgun hvort aðildarumsókn Íslands að Evrópusambandinu hafi formlega verið slitið með bréfi Gunnars Braga Sveinssonar, utanríkisráðherra, til fullrúa Evrópusambandsins. 

„Það er ljóst að Evrópusambandið hefur ekki brugðist við bréfinu,“ segir Óttarr og bætir við að afstaða ráðherra um að honum beri ekki að leggja meiriháttar breytingar fyrir Alþingi til samþykktar staðfestist á fundinum. „Það í raun og veru finnst mér staðfesta stjórnskipulega óvissu sem við erum í, sem er eiginlega óþolandi,“ segir Óttarr.

Hann segir stöðu utanríkismálanefndar Alþingis og þingið vera óljósa miðað við afstöðu ráðherra. „Ráðherra mun flytja skýrslu á Alþingi í dag og það verða umræður um hana. Vonandi skýrist þetta betur í dag,“ segir Óttarr.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• Blogga um frétt