Lögreglan í Vestmannaeyjum auglýsir eftir vitnum að atviki sem átti sér stað á Þjóðhátíðinni um verslunarmannahelgina þegar maður féll í jörðina við auglýsingaskilti sem var upp við hvítu tjöld heimamanna, gegnt brúnni yfir tjörnina.  

Talið er að atvikið hafi átt sér stað um kl. 02:00 aðfaranótt 1. ágúst. Maðurinn var, síðar um daginn, fluttur á sjúkrahús í Reykjavík með sjúkraflugi vegna gruns um að hann hafi fengið heilablæðingu.

Þeir sem telja sig hafa einhverjar upplýsingar varðandi atvikið eru vinsamlegast beðnir um að hafa samband við lögregluna í Vestmannaeyjum í síma 444 2090 eða í gegnum facebook-síðu lögreglunnar í Vestmannaeyjum.

Frétt mbl.is: Fékk heilablæðingu á þjóðhátið

Tengdar fréttir

Verslunarmannahelgin

Brekkan jafnar sig alltaf

• „Kannabis og eitthvað af hvítu“
• Engin nauðgun tilkynnt í Eyjum
• „Rjóminn af samfélaginu“ á Flúðum
• Myndir: Drullusvað og biðraðir úr eyjum

» Fleiri tengdar fréttir

• Blogga um frétt