Niðurstöður stefnumótunarvinnu iðnaðar- og viðskiptaráðuneytisins, Samtaka ferðaþjónustunnar og Ferðamálastofu verða kynntar í Hörpu á þriðjudaginn kemur klukkan 14.
Þetta staðfestir Ingvar P. Guðbjörnsson, aðstoðarmaður Ragnheiðar Elínar Árnadóttur, iðnaðar- og viðskiptaráðherra í samtali við mbl.is.
Á vef Túrista var greint frá því að til stæði að kynna niðurstöðurnar í næstu viku. Í samtali við mbl.is í júlí sl. sagði Ragnheiður að ráðast þyrfti í fimm ára átak til þess að byggja upp innviði í ferðaþjónustu.
Sagði hún að það væri meðal þess sem var til umræðu við stefnumótunarvinnuna, sem kæmi til með að marka stefnu Íslands í ferðamannamálum, bæði til nálægrar framtíðar og til lengri tíma litið.
Frétt mbl.is: Uppbyggingin er „fimm ára átak“