Um helmingur bakkans undir eystri stöpli á Eldvatnsbrúnni er farinn og skapar það nægjanlega mikla hættu til þess að Vegagerðin og lögreglan vilja ekki hleypa bílum yfir brúnna. „Þetta lítur ekki vel út,“ segir Ágúst F. Bjartmarsson, hjá Vegagerðinni á Suðurlandi, í samtali við mbl.is.

Hætta á að Eldvatnsbrúin fari

Hann segir að ástandið geti versnað ef það haldi áfram að grafa, en ef rennslið fer að dragast mikið saman verður bara um viðgerð að ræða. Enn er þó mikið rennsli í ánni og samkvæmt mælum Veðurstofunnar eru nú um 793 rúmmetrar á sekúndu sem fara undir brúna.

Ágúst segir erfitt að sjá þarna undir og því séu menn í óvissu varðandi burðarþol brúarinnar sem stendur. Hún er þó enn alveg lárétt og ekkert byrjuð að síga niður að hans sögn. Brúarsérfræðingar Vegagerðarinnar eru núna á staðnum til að meta stöðuna betur og segir Ágúst að staðan skýrist þegar þeir hafi farið yfir málið.

Lögreglan hefur lokað veginum yfir brúna, en mikil hætta er talin á að hún fari vegna vatnavaxtanna. Mynd/Sigurður Bogi

Tengdar fréttir

Skaftárhlaup

Atburðinum að ljúka

• Hlaupið reyndist koma úr öðrum katli
• Ólíklegt að hlaupið eyðileggi innviði
• Athuganir benda til að Skaftárhlaup sé að hefjast
• Skaftárhlaup yfirstaðið

» Fleiri tengdar fréttir

• Blogga um frétt