Róbert Marshall, þingmaður Bjartrar framtíðar, hefur lagt fram skriflega fyrirspurn á Alþingi til Bjarna Benediktssonar fjármálaráðherra um efnahagsleg áhrif þess að flóttamenn komi til Íslands.
Fyrirspurnin er í tveimur liðum. Fyrir það fyrsta spyr Róbert ráðherrann hver hann áætli að efnahagslegu áhrifin verði af komu þeirra flóttamanna til Íslands sem ríkisstjórnin hafi ákveðið að taka á móti á þessu ári og næstu árum.
Þá spyr Róbert hver séu efnahagslegu áhrifin að mati ráðherrans af því að taka við eitt hundrað innflytjendum til landsins.