Kvótakerfi í mjólkurframleiðslu og kindakjötsframleiðslu verða aflögð á næstu tíu árum, samkvæmt hugmyndum sem uppi eru í viðræðum um nýja búvörusamninga á milli bænda og ríkisins.

Í staðinn fyrir beingreiðslur koma gripa- og framleiðslugreiðslur í mjólkurframleiðslu og gæðastýringargreiðslur í sauðfjárrækt, að því er fram kemur í umfjöllun um mál þetta í Morgunblaðinu í dag.

Kom þetta fram á almennum bændafundi sem samninganefnd bænda boðaði til á Hellu í gærkvöldi til að kynna stöðuna í samningaviðræðum við ríkið um nýja búvörusamninga. Gert er ráð fyrir því að samningarnir verði til tíu ára. Ekki hefur komið fram hvaða fjárhæðum ríkið er reiðubúið að verja til stuðnings framleiðslunni.

Tengdar fréttir

Búvörusamningar

Arnar hættir sem formaður

• Segja búvörulög þurfa heppilegri farveg
• Verklagsreglur ekki verið settar
• Vilja koma á raunverulegu þjóðarsamtali
• Ekki fengið nein svör frá ráðherra

» Fleiri tengdar fréttir