Hafa ráðið við fjöldann hingað til

Silfra á Þingvöllum.
Silfra á Þingvöllum. mbl.is

Rúmlega tuttugu þúsund manns köfuðu í Silfru á síðasta ári og gerir þjóðgarðsvörður á Þingvöllum ráð fyrir að aðsóknin gæti jafnvel orðið enn meiri á þessu ári.

Aðsóknin nálgast öryggismörk en samstarf við ferðaþjónustu- og köfunarfyrirtæki hefur gengið vel. Óskað hefur verið eftir því að fleiri gjár verði opnaðar til að dreifa álaginu en þjóðgarðsnefnd hefur alltaf hafnað slíkum beiðnum.

Kona á þrítugsaldri er þungt haldin í öndunarvél á gjörgæsludeild Landspítalans eftir köfunarslys í Silfru á Þingvöllum um hádegi í gær. Konan var flutt með þyrlu Landhelgisgæslunnar og er líðan hennar alvarleg.

Frétt mbl.is: Þungt haldin á gjörgæslu

Vinsældir þess að kafa í Silfru hafa vaxið með auknum straumi ferðamanna hingað til lands en fyrir fimm árum köfuðu fimm þúsund í gjánni. Köf­un­ar­slys í Silfru hafa verið al­geng síðustu ár og oft hef­ur mátt litlu muna, stund­um hárs­breidd á milli lífs og dauða. Tvö bana­slys hafa orðið síðustu fimm ár, Íslend­ing­ur lést í des­em­ber 2012 og er­lend­ur ferðamaður lést þar 2010. 

Almennt farið eftir fyrirmælum

Ólafur Örn Haraldsson þjóðgarðsvörður sagði í samtali við Morgunblaðið í byrjun september á síðasta ári að aðsókn í köfun í Silfru væri að nálgast öryggismörk.

Er komið að þessum mörkum?

„Það gildir það sama og ég sagði það. Þá var aðsóknin það mikil að með sama áframhaldi þá nálguðumst við öryggismörk. Þá má líka bæta því við að við erum ekki eingöngu að tala um öryggi heldur erum við líka að tala um hvort sú þjónusta sem er boðin stendur undir væntingum. Á einhverjum stað, með endalausri fjölgun, hlýtur auðvitað sú stund að koma að menn eru að það miklu fjölmenni að þeir fá ekki endilega það sem þeir hefðu viljað,“ segir Ólafur Örn í samtali við mbl.is.

Aðspurður segir hann að ekki sé miðað við ákveðinn fjölda. „Við höfum alveg ráðið við þetta og ég legg mikla áherslu á að við eigum mjög gott samstarf við köfunar- og ferðaþjónustufyrirtækin og þau eru öll að vilja gerð að leysa þetta. Þau taka fullan þátt í þessum hugleiðingum og vinnu,“ segir Ólafur Örn.

Þá hafi fyrirtækjunum almennt gengið vel að fara eftir þeim fyrirmælum og reglum sem gilda um köfun á Þingvöllum.

„Þau fara eftir því sem best við vitum eftir öryggisreglum og okkar hlutverk er fyrst og fremst þjónustuhlutverk. Við erum ekki eftirlitsaðilar og það eru ekki við sem setjum fyrirmælin og reglurnar. Við sjáum um stíga, palla, salerni, fráleggsborð og bílastæði. Við skráum hópa og einstaklinga í Silfru og sendum þeim rukkun og við reynum að hafa áhrif á það hversu hratt hóparnir fara ofan í hver á eftir öðrum,“ segir Ólafur Örn.

Vinsælast er að kafa í morgunsárið á sumrin.
Vinsælast er að kafa í morgunsárið á sumrin. mbl.is/Ómar

Skiptar skoðanir um þjónustuna

Ólafur Örn á von á því að aðsóknin verði svipuð í ár og telur að frekar muni bæta í en draga úr. Vinsælast er að kafa í morgunsárið á sumrin.  

„Þetta gengur mjög vel, ótrúlega vel miðað við þennan mikla fjölda. En það segir sig sjálft, það er ekki bara okkar viðhorf og heldur líka þessara fyrirtækja, við hljótum að hugsa um það að einhversstaðar hljótum við að koma að þeim mörkum að það séu það margir að þetta geti ógnað öryggi og við séum ekki með þá þjónustu sem viðskiptavinir óska eftir,“ segir Ólafur Örn.

Hann bætir við að skiptar skoðanir séu um hvort bjóða eigi upp á þjónustu sem þessa í þjóðgarðinum.

„Við höfum litið svo á að þjóðgarðurinn á einmitt að vera vettvangur þeirrar starfsemi sem þar getur rúmast. Það kemur ekki bara fram hvað köfun varðar, það eru líka fyrirtæki sem koma þarna með stóra og smáa hópa og eru í skoðunarferðum, það er fólk sem fer í gönguferðir út í hraunið, það er fólk sem kemur að veiða og er í sumarbústöðum. Allt þetta fólk er velkomið og á að eiga sitt svigrúm þarna og kafararnir alveg eins,“ segir Ólafur Örn.

Þá hefur einnig verið rætt um hvort hægt væri að dreifa álaginu með því að opna fleiri gjár fyrir köfun og segir Ólafur Örn að það hafi aldrei verið samþykkt.

„Það má kafa í annarri gjá, Davíðsgjá. Hún er austar og hún er eiginlega úti í Þingvallavatni. Þar er tærleiki vatnsins aftur á móti miklu minni en í Silfru og það hefur aldrei þótt eins eftirsóknarvert að kafa þar. En við höfum alls ekki viljað útvíkka það svæði sem kafað er á. Það hefur verið leitað eftir því að fara í fleiri gjár en það hefur aldrei verið leyft,“ segir Ólafur Örn að lokum.

Óheimilt er að kafa einn síns liðs í Silfru.
Óheimilt er að kafa einn síns liðs í Silfru. mbl.is/Ómar

Óheimilt að hafa dýpra en 18 metra

Á vefsíðu Stjórnartíðinda er bæði að finna reglur og tilmæli um vegna yfirborðs- og djúpköfunar í þjóðgarðinum á Þingvöllum.

Markmiðið með tilmælunum er að bæta öryggi við köfun og yfirborðsköfun í þjóðgarðinum á Þingvöllum. Til að ná því markmiði eru settar tilteknar reglur um starfsemi þeirra sem bjóða upp á ferðaþjónustu í köfun og yfirborðsköfun í þjóðgarðinum sem og þeirra sem kafa þar á eigin vegum.

Í tilmælunum segir að köfun og yfirborðsköfun sé ætíð á eigin ábyrgð þess sem það gerir. Óheimilt er að kafa einn síns liðs í Silfru og skulu kafarar kynna sér vel aðstæður og þær reglur sem gilda um köfun í Silfru og almennar umgengnisreglur í þjóðgarðinum.

Ferðaþjónustufyrirtæki sem selja ferðir í köfun í þjóðgarðinum á Þingvöllum skulu uppfylla öll opinber skilyrði fyrir rekstri ferðaþjónustu og hafa nauðsynleg leyfi og tryggingar í gildi fyrir slíkri ferðaþjónustu. Ferðaþjónustufyrirtæki skulu hafa öryggis- og viðbragðsáætlun, sem samþykkt er af Siglingastofnun Íslands.

Kafarar í Silfru skulu á hverjum tíma ekki vera fleiri en átta að grynningum skilgreindum á korti í fylgiskjali. Gestir með hverjum leiðsögumanni skulu ekki vera fleiri en fjórir hverju sinni við köfun í Silfru. Gestir með hverjum leiðsögumanni skulu ekki vera fleiri en átta hverju sinni við yfirborðsköfun í Silfru. Ekki er heimilt að kafa dýpra en átján metra í Silfru. Þá er löfun í hella, ranghala og göng er bönnuð.

Einnig er að finna tilmæli um öryggiskröfur og búnað.

Þingvellir er vinsæll áfangastaður meðal erlendra ferðamanna.
Þingvellir er vinsæll áfangastaður meðal erlendra ferðamanna. mbl.is/Golli
mbl.is

Innlent »

„Boltinn er hjá Air Berlin“

11:12 „Staðan er óbreytt, vélin er ennþá á Keflavíkurflugvelli og við bíðum eftir að heyra frá Air Berlin,“ segir Guðni Sigurðsson, upplýsingafulltrúi Isavia í samtali við mbl.is. Meira »

Reglur í endurskoðun og horft til Uber

11:10 Nýr starfshópur hefur verið skipaður af samgöngu- og sveitarstjórnarráðherra til að endurskoða regluverk um leigubifreiðaakstur. „Markmið verkefnisins er að leigubifreiðaakstur hér á landi stuðli að góðu aðgengi og hagkvæmri, skilvirkri og öruggri leigubifreiðaþjónustu fyrir neytendur.“ Meira »

Mary og Sunday komin með dvalarleyfi

11:10 Nígerísku hjónin Sunday Iserien og Joy Lucky og dóttir þeirra Mary eru komin með dvalarleyfi hér á landi. Þetta staðfestir Guðmundur Karl Karlsson vinur fjölskyldunnar.„Sunday var að hringja í mig alveg í skýjunum til að segja mér fréttirnar,“ segir hann. „Hann fór í morgun og fékk þessa niðurstöðu“ Meira »

Kosið á einum stað í Reykjanesbæ

10:57 Kjósendur í Reykjanesbæ munu greiða atkvæði á nýjum kjörstað, Fjölbrautaskóla Suðurnesja, í alþingiskosningunum um næstu helgi. Meira »

Fjölskyldan frá Gana fær dvalarleyfi

10:41 Fjölskyldan frá Gana, móðirin Mercy Ky­eremeh og drengir henn­ar þrír, Godw­in fimm ára, Emm­anu­ele fjög­urra ára og ný­fætt barn hennar, fengu í dag dvalarleyfi á grundvelli mannúðarsjónarmiða. „Þetta er mikið gleðiefni,“ segir Magnús Davíð Norðdahl hdl. lögmaður fjölskyldunnar. Meira »

Helmingur fyrirtækja stundar nýsköpun

10:21 Helmingur fyrirtækja á Íslandi, sem eru með 10 starfsmenn eða fleiri, leggur stund á nýsköpun. Þetta er niðurstaða mælinga Hagstofunnar sem nær til áranna 2014-2016, en með nýsköpun er þar vísað til þess að fyrirtækin setji nýjar vörur eða þjónustu á markað, eða innleiði nýja verkferla. Meira »

Stefna í loftslagsmálum hefur áhrif á flokkaval

10:03 Stefna stjórnmálaflokka í náttúruvernd og loftslagsmálum skiptir miklu við val á flokki samkvæmt nýrri könnun sem Gallup vann fyrir Náttúruverndarsamtök Íslands. Töldu tveir þriðju aðspurðra stefnu flokkanna varðandi þessa tvo málaflokka skipta miklu máli. Meira »

Stal 18 þúsund króna kampavínsflösku

10:14 Karlmaður á þrítugsaldri var staðinn að því um helgina að stela kampavínsflösku á skemmtistað í umdæmi lögreglunnar á Suðurnesjum. Samkvæmt tilkynningu frá lögreglu kostaði flaskan átján þúsund krónur. Meira »

Þriðjungur þingheims nýtt fólk

09:51 21 nýr þingmaður mun taka sæti á Alþingi eftir kosningar, samkvæmt nýjustu könnun Félagsvísindastofnunar. Þar af eru nokkur kunnugleg andlit sem áður hafa sést í þingsölum. Meðal nýju-gömlu þingmannanna eru Ásmundur Einar Daðason, Willum Þór Þórsson, Helgi Hrafn Gunnarsson og Ágúst Ólafur Ágústsson. Meira »

RÚV dró upp „kolranga mynd“

09:10 Sigurður Kári Kristjánsson, fyrrverandi alþingismaður Sjálfstæðisflokksins, segir að Ríkissjónvarpið hafi dregið upp kolranga mynd af þeim atburðum sem áttu sér stað eftir hrun í umfjöllun sinni á laugardagskvöld um samskipti Bjarna Benediktssonar forsætisráðherra við Glitni fyrir og eftir hrun. Meira »

Glitnir höfðar staðfestingarmál

08:49 Glitnir HoldCo ehf. höfðar í dag staðfestingarmál fyrir Héraðsdómi Reykjavíkur vegna lögbannsins sem sett var á fréttaflutning Stundarinnar og Reykjavík Media af viðskiptavinum Glitnis. Þetta staðfestir Ingólfur Hauksson, forstjóri Glitnir HoldCo, í samtali við mbl.is. Meira »

Víkingaveröld í Mosfellsdal

08:18 Nýtt deiliskipulag fyrir Langahrygg í Mosfellsdal er í kynningu þessa dagana. „Hugmyndin gengur út á að reisa einskonar „víkingaveröld“ sem gæfi innsýn í það umhverfi sem menn bjuggu við á þjóðveldisöld (11. og 12. öld).“ Meira »

Þurfa nýja augasteina eftir Flórídana-tappann

08:08 Að minnsta kosti tveir þeirra sem slösuðust er plasttappi af Flórídana-ávaxtasafaflösku þeyttist framan í þá af miklum krafti þurfa að gangast undir aðgerð og fá nýja augasteina. Mikill þrýstingur myndaðist í flöskunum og olli því tapparnir þeyttust af þeim af miklum krafti þegar þær voru opnaðar. Meira »

Gagnrýndi Trump í þakkarræðu

07:57 Kári Stefánsson, forstjóri Íslenskrar erfðagreiningar, tók í síðustu viku á móti æðstu viðurkenningu Bandarísku erfðafræðisamtakanna, ASHG. Verðlaunin eru kennd við William Allan og hafa verið veitt árlega síðan 1961. Þau eru veitt fyrir framúrskarandi framlag til erfðavísindanna og þykir mikill heiður að hljóta þau. Meira »

Tók brjálæðiskast inni á heimili

07:18 Óskað var aðstoðar lögreglu eftir að ölvuð og æst kona, sem var gestkomandi í heimahúsi, hafði ráðist á húsráðandann, sem var vinkona hennar. Einnig barst beiðni um aðstoð vegna 17 ára stráks sem tók brjálæðiskast inni á heimili í nótt og skemmdi mikið af innanstokksmunum. Meira »

Stjórnmálin verða að breytast

08:00 Helgi Hrafn Gunnarsson, oddviti Pírata í Reykjavík norður, segir kosningarnar í haust snúast um traust til stjórnmálanna sjálfra. Við, sem þjóð, þurfum stjórnmálamenn sem vilji breyta regluverkinu sjálfu svo að traustið verði verðskuldað. Meira »

Málefni flokka á landsvísu ráða mestu

07:37 Málefni flokksins á landsvísu ræður mestu um það hvaða flokkur fær atkvæði í alþingiskosningunum, samkvæmt skoðanakönnun Félagsvísindastofnunar fyrir Morgunblaðið. Meira »

Vara við hviðum undir Eyjafjöllum

06:55 Strekkings austlæg átt og fremur vætusamt verður suðaustan til á landinu fram undir hádegi, en mun úrkomuminna annars staðar. Varar Veðurstofan við því að búast megi við snörpum vindhviðum undir Eyjafjöllum og í Mýrdal fram eftir morgni. Meira »

Skoðanakannanir

[ Nánar | Allar kannanir í CSV-skrá ]

Mátturinn eða dýrðin - Greinaflokkur

Vélstjóra vantar
Vélstjóra vantar á Fríðu Dagmar 2817, ÍS103. Báturinn er 29,9 brt. vélarstærð 6...
VIÐHALD FASTEIGNA
Við þjónustum þig með lítil sem stór verk. Tímavinna eða tilboð. sími: 544-44...
Lagerhreinsun - stakar stærðir
LAGERHREINSUN stakar stærðir Kr. 3.900.- kr. 3.900.- Laugavegi 178 Sími 551 2070...
2ja daga ljósmyndanámskeið 23. + 24. okt
2ja DAGA LJÓSMYNDANÁMSKEIÐ 23. og 24. okt. 2ja daga byrjenda ljósmyndanámskei...
 
Eldri borgarar
Staður og stund
Aflagrandi 40 Við byrjum daginn á opnu v...
Eldri borgarar
Staður og stund
Aflagrandi 40 Það er opin vinnustofa hjá...
Samkoma
Félagsstarf
Samkoma kl. 20 í Kristniboðs- salnum. R...
Uppboð á ökutökjum
Uppboð
Sýslumaðurinn á Norðurlandi eystra Haf...