Hafi farið offari gagnvart Bergvini

Bergvin Oddsson fyrrverandi formaður Blindrafélagsins.
Bergvin Oddsson fyrrverandi formaður Blindrafélagsins. mbl.is/Kristinn Ingvarsson

Stjórn Blindrafélagsins fór offari með framgöngu sinni gagnvart Bergvini Oddssyni fyrrverandi formanni félagsins. Þá er Bergvin sagður hafa sýnt af sér dómgreindarleysi í formannstíð sinni. Þetta er niðurstaða sannleiksnefndar sem félagið setti á laggirnar í kjölfar þess að vantrauststillaga var samþykkt á hendur Bergvini í september síðastliðnum.

Frétt mbl.is: Vantraust á formann Blindrafélagsins

Við það tilefni kom fram að stjórnin teldi Bergvin hafa mis­notað vald sitt og brugðist trausti ungs fé­lags­manns, og þar með sýnt af sér „siðferðilegt dómgreind­ar­leysi“. Sagði stjórn­in máls­at­vik með þeim hætti að „formaður fé­lags­ins hafi nýtt sér vett­vang fé­lags­ins til að véla ung­an fé­lags­mann til að leggja allt sitt spari­fé í fast­eigna­brask hon­um tengt“.

Í skýrslu sannleiksnefndarinnar sem gefin var út í dag kemur fram að það sé „alls ekki augljóst að formaður Blindrafélagsins hafi rofið trúnað við stjórn félagsins með því að stofna til umrædds viðskiptasambands við einn félagsmanna“.

Bergvin sakaður um dómgreindarleysi

Hvað sem því líði verði þó að ætla að á Bergvini, sem formanni hagsmunasamtaka blindra og sjónskertra á Íslandi, hafi hvílt ríkari ábyrgð til að gæta að því að blanda ekki eigin hagsmunum við hagsmuni félagsmanna.

„Í þessu tilviki gæti það leitt til þess að varastjórnarmaður verði ekki frjáls að atkvæðum sínum þar sem hann er orðinn fjárhagslega tengdur formanni sínum. Sannleiksnefndin telur að formaður Blindrafélagsins hafi sýnt í þessu efni dómgreindarleysi og það hafi verið rangt hjá honum að hvetja Patrek til að fjárfesta í félagi með sér og föður sínum.“

Patrekur er sá félagsmaður sem fjárfesti í félagi Bergvins og föður hans, en stjórnin sagði Bergvin hafa vélað Patrek til þessa.

Mikil spenna í formannstíð Bergvins

Ljóst er af lestri skýrslunnar að mikil spenna hafi verið innan stjórnarinnar í formannstíð Bergvins og virðist margt hafa valdið henni. Að sögn viðmælenda nefndarinnar voru áherslur hans og starfshættir að sumu leyti öðruvísi en það sem stjórnarmenn höfðu vanist.

„Athygli vekur að í þó nokkur skipti virðist formaður hafa knúið fram atkvæðagreiðslu um mál sem hann lagði fram, sem svo eru felld með öllum greiddum atkvæðum, utan hans eigin,“ segir þar meðal annars.

Er þessi aðferð sögð hafa falið í sér breytingu frá því sem verið hafði, því fram til þessa hafi stjórn Blindrafélagsins tamið sér að ræða mál og móta í umræðum þar til góð samstaða hefði náðst um afgreiðslu.

Bergvin átt það til að fara fram úr sér

Þá hafi Bergvin átt það til að fara fram úr sér og stjórninni og „byrjað að vinna og útfæra hugmyndir að verkefnum Blindrafélagsins, áður en málið hafði verið kynnt stjórn eða fengið stuðning hennar“.

Af þeim sökum hafi stjórnin oft þurft að afgreiða þau mál, sem þurftu samþykki hennar, „eftir á“.

Á þeim tíma sem stjórnin fékk vitneskju um upplifun félagsmannsins á viðskiptum sínum við Bergvin segir nefndin að hún hafi haft undir höndum takmarkaðar upplýsingar, „sem í besta falli var hægt að útskýra sem viðskiptalegan ágreining en í versta falli sem fjárhagslega misnotkun formanns Blindrafélagsins gagnvart yngri félagsmanni“.

Segir svo að það virðist sem flestir stjórnarmenn hafi tekið ákvarðanir út frá verstu mögulegu niðurstöðu, án þess að gefa Bergvini færi á að útskýra sína hlið eða undirbúa sig fyrir fund sem kallað var þá til.

Þvert á ráð lögmanns Patreks

„Viðbrögð stjórnarmanna voru þau að ræða þetta sín á milli, útvega Patreki lögmann sem samdi kröfubréf um endurgreiðslu þess fjár sem hann lagði í félagið, halda því beinlínis leyndu fyrir Bergvini hvað gengi á og stilla honum síðan upp við vegg á stjórnarfundi með þessar upplýsingar og birta honum þar kröfubréfið.

Þetta var þvert á ráð lögmanns Patreks um að gefa Bergvini umhugsunarfrest. Andmælaréttur Bergvins var því lítill sem enginn á stjórnarfundinum.“

Það er niðurstaða sannleiksnefndarinnar að stjórnin hafi farið offari með þessari framgöngu sinni. Andmælarétturinn sé bæði grundvallarregla íslensks réttar og grunnur mannlegra samskipta.

Í honum felist að fólki sé gefið tækifæri til að svara fyrir sig og útskýra sína hlið málsins þegar tveir eða fleiri deila, sérstaklega þegar einstaklingar séu bornir þungum sökum og viðbrögðin með jafn afdrifaríkum hætti og vantrauststillaga stjórnar felur í sér.

Harkalegt orðalag í ályktun félagsins

Þá segir nefndin að það sama eigi við um þá ályktun sem birt var á heimasíðu félagsins eftir fundinn.

„Þar er notast við harkalegt orðalag þar sem formaðurinn er meðal annars sakaður um að hafa „vélað ungan félagsmann til viðskipta“. Þetta orðalag getur sannleiksnefndin ekki fallist á í ljósi þess að Patrekur er lögráða og því bæði sjálfráða og fjárráða auk þess sem móðir hans var með á fyrstu stigum stofnunar þessa félags og vottar þar skjöl og umboð sem sonur hennar skrifar undir.“

Að lokum hvetur sannleiksnefndin til þess að félagið móti sér siðareglur til að koma í veg fyrir að atburðir sem þessir endurtaki sig. Þá gæti það virkað heilandi fyrir starfsemi félagsins.

„Sannleiksnefndin hvetur til þess að slíkar reglur verði settar. Við setningu slíkra reglna er mikilvægt að félagsmenn verði sem mest virkjaðir til þátttöku. Siðareglur eru reglur félagsins og verða því að njóta almenns stuðnings. [...] Í tilviki Blindrafélagsins gæti slík vinna verið heilandi fyrir félagið eftir átök umliðinna mánaða.“

Merki Blindrafélagsins.
Merki Blindrafélagsins.
Blindrahundur. Mynd úr safni.
Blindrahundur. Mynd úr safni.
mbl.is

Innlent »

Segir áhyggjur af brottkasti óþarfar

00:07 „Það er miður að ekki hafi verið leitað sjónarmiða þeirra sem nýta auðlindina, sjávarútvegsfyrirtækja eða hagsmunasamtaka þeirra,“ segir í tilkynningu frá Heiðrúnu Lind Marteinsdóttur, framkvæmdastjóra SFS, vegna fréttaskýringaþáttarins Kveiks, sem sýndur var á RÚV í kvöld. Meira »

Óveður fram á laugardag

Í gær, 23:22 Ekki er útlit fyrir að veðrið sem nú ríkir á landinu gangi niður fyrr en á laugardag. Þetta kemur fram í athugasemd veðurfræðings á Veðurstofu Íslands. Þar segir að útlit sé fyrir hvassa norðanátt næstu daga. Meira »

Gagnrýnir Áslaugu fyrir prófílmynd

Í gær, 22:58 „Sjálfsagt finnst sumum engu skipta hvernig myndir fólk í stjórnmálum notar til að kynna sig. Dæmi hver fyrir sig.“ Þetta segir Ragnar Önundarson, fyrrverandi bankastjóri og bankamaður, í færslu á Facebook og deilir með henni mynd af Áslaugu Örnu Sigurbjörnsdóttir, varaformanni Sjálfstæðisflokksins. Meira »

Heillast af andrúmslofti Ég man þig

Í gær, 22:30 Spennumyndin Ég man þig hefur fengið góða dóma hjá gagnrýnendum þekktra erlendra dagblaða.  Meira »

„Subbuskapur af verstu gerð“

Í gær, 22:29 „Ég hef verið á mörgum skipum. Alls staðar hefur verið brottkast,“ sagði sjómaðurinn Trausti Gylfason í fréttaskýringaþættinum Kveik á RÚV nú í kvöld. Þar var sýnt myndefni sem Trausti tók úti á sjó á árunum 2008-2011 og sýndi mikið brottkast á fiski, en brottkast er bannað með lögum. Meira »

Frægasta og verðmætasta Íslandskortið

Í gær, 22:25 „Þetta er frægasta Íslandskortið og það verðmætasta,“ segir Viktor Smári Sæmundsson forvörður um Íslandskort frá árinu 1595 sem er boðið falt fyrir 25 til 30 þúsund sænskar krónur eða tæplega 400 þúsund krónur hjá sænska uppboðshúsinu, Stockholms Auktionsverk. Meira »

„Ég manngeri fuglana í bókinni“

Í gær, 20:55 Sumum finnst lyktin af úldnum andareggjum vera hin eina sanna jólalykt. Frá þessu segir og mörgu öðru sem tengist fuglum, í bók sem spéfuglinn Hjörleifur ritaði og ránfuglinn Rán myndskreytti. Þau taka sig ekki of alvarlega, fræða og skemmta og segja m.a. frá áhættusæknum fuglum, sérvisku þeirra og ástalífi. Meira »

Framkvæmdir stangist á við lög

Í gær, 21:20 Fyrirhugaðar framkvæmdir á Landsímareitnum stangast á við lög að mati Varðmanna Víkurgarðsins, sem er gamli kirkjugarðurin í og við Fógetagarðinn. Þar var fólk grafið langt fram á 19. öld og undanþága var veitt fyrir viðbyggingu Landsímahússins á sínum tíma þar sem almannahagsmunir áttu í hlut. Meira »

Ferðamenn í vanda á Sólheimasandi

Í gær, 20:41 Björgunarsveitir frá Vík og Hvolsvelli voru boðaðar út á sjöunda tímanum í kvöld ásamt öðrum viðbragðsaðilum, vegna ferðamanna í vanda í nágrenni flugvélaflaks á Sólheimasandi. Þetta kemur fram í tilkynningu. Meira »

„Enginn búinn að skella hurðum“

Í gær, 20:26 „Við höldum bara áfram á morgun,“ segir Sigurður Ingi Jóhannsson, formaður Framsóknarflokksins, þegar hann er spurður um ganginn í stjórnarmyndunarviðræðum. Sigurður Ingi og Katrín Jakobsdóttir, formaður VG, sögðu bæði að fundir dagsins hefðu verið góðir. Meira »

„Þetta hætti ekkert“

Í gær, 20:16 „Mér var sagt að ég þyrfti að brosa meira, ég ætti ekki að hylja mig svona mikið ef ég vildi ná lengra og vera sæt,“ sagði Jóhanna María Sigmundsdóttir, fyrrverandi þingmaður Framsóknarflokksins. Meira »

Hyggjast birta 100 sögur á föstudag

Í gær, 19:34 „Síðan ég byrjaði að starfa í pólitík hafa nokkrir menn úr stjórnmálaflokkum, og þá flestir giftir menn, verið að senda mér skilaboð á kvöldin,“ segir í einni af þeim sögum sem höfð er eftir stjórnmálakonum og sendar hafa verið á fjölmiðla. Meira »

Ferjan biluð næstu vikurnar

Í gær, 18:50 Breiðafjarðaferjan Baldur er biluð og falla siglingar yfir fjörðinn því niður næstu þrjár til fjórar vikurnar. Ekki er ljóst hvað veldur biluninni en hana má rekja til bilunar í aðalvél skipsins. Þetta kemur fram hjá RÚV. Meira »

Tekjurnar ekki verið lægri síðan 2008

Í gær, 18:37 Um leið og útflutningsverðmæti dregst saman hækkar veiðigjald og hefur í sumum tilvikum fjórfaldast. Þróunin gæti m.a. leitt til frekari samþjöppunar í greininni og hægt á endurnýjun skipa og tækja. Meira »

Tvö handtekin í tengslum við vændi

Í gær, 17:37 Lögreglan á höfuðborgarsvæðinu handtók karl og konu um hádegisbil í dag í þágu rannsóknar hennar á umfangsmikilli vændisstarfsemi. Meira »

Vegir lokaðir víða um land

Í gær, 18:37 Vegurinn um Holtavörðuheiði er lokaður, að því er fram kemur á vef Vegagerðarinnar. Sömu sögu er að segja af Kleifaheiði á sunnanverðum Vestfjörðum. Hringvegurinn er lokaður frá Hrútafirði að Vatnsdal. Lokað er bæði í Öræfasveit vegna óveðurs og á Lyngdalsheiði. Meira »

Skólp hreinsað hjá 90% þjóðarinnar

Í gær, 17:57 Að fimm árum liðnum verða 90% landsmanna tengdir skólphreinsistöð, nái þær framkvæmdir sem áætlaðar eru fram að ganga. Þetta kemur fram í tilkynningu frá Samorku, samtaka orku- og veitufyrirtækja á Íslandi. Meira »

Holtavörðuheiði og fleiri vegum lokað

Í gær, 17:25 Lögreglan á Norðurlandi vestra vekur athygli á versnandi færð á Facebook-síðu sinni en af þeim sökum er til að mynda Holtavörðuheiði lokuð og skilyrði víða annars staðar í umdæminu slæm. Meira »

Mátturinn eða dýrðin - Greinaflokkur

Dyrasímar - Raflagnir
Dyrasímaþjónusta, geri við eldri kerfi og set upp ný, fljót og góð þjónusta Sí...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
PL Crystal Line, heitustu úrin í Paris.
Með SWAROVSKI kristals skífu, 2ja ára ábyrgð. Sama verð og í heimalandinu 16 til...
R108 Rúmgóð, falleg 3 herb. m.húsgögnum
Rúmgóð og falleg 3 herbergja íbúð í Stóragerði til leigu frá janúar 2018. Leigis...
 
L helgafell 6017112219 iv/v
Félagsstarf
? HELGAFELL 6017112219 HogV IV/V M...
Samþykkt breyting á deiliskipulagi
Tilkynningar
Samþykkt breyting á deiliskipulagi Da...
Framhald uppboðs
Nauðungarsala
Uppboð Einnig birt á www.naudungarsolu...
Framhald
Nauðungarsala
Uppboð Einnig birt á www.naudungarsolu...