Kosning prests í Mosfellsprestakalli, Kjalarnessprófastsdæmi fór fram í Safnaðarheimili Lágafellssóknar að Þverholti 3 í Mosfellsbæ í gær.
Utankjörfundaratkvæðagreiðsla fór fram frá 4. mars til og með 17. mars.
Einn var í kjöri, séra Arndís G. Bernhardsdóttir Linn.
Á kjörskrá voru 5237 manns, 472 greiddu atkvæði, einn skilaði auðu.
Niðurstaða kosninganna liggur því fyrir og hlaut séra Arndís G. Bernhardsdóttir Linn meirihluta greiddra atkvæða.