RÚV með „drottningarstæla“

Kári Stefánsson, forstjóri Íslenskrar erfðagreiningar.
Kári Stefánsson, forstjóri Íslenskrar erfðagreiningar. mbl.is/Kristinn Ingvarsson

Ríkisútvarpið efnir í kvöld til borgarafundar um heilbrigðismál. Í tilkynningu kemur fram að boðið verði upp á málefnalegan umræðuvettvang þar sem leitað verði svara við spurningum almennings um heilbrigðiskerfið og framtíð þess.

Á vefsíðu fundarins kemur fram að sérfróðir gestir sem og fulltrúar stjórnmálaflokka muni sitja þar fyrir svörum. Athygli hefur þó vakið að Kári Stefánsson er ekki á meðal auglýstra gesta, en hann er forstjóri Íslenskrar erfðagreiningar og upphafsmaður söfnunarinnar þar sem safnast hafa um 85 þúsund undirskriftir, til stuðnings endurreisn heilbrigðiskerfisins.

„Ég er enginn sérfræðingur“

Í samtali við mbl.is skýrir Kári frá því að hann hafi upphaflega komið með hugmyndina að fundinum á borð til Ríkisútvarpsins.

„Ég fór að velta fyrir mér hvernig maður ætti að ljúka þessari söfnun og afréð að koma á fót einhvers konar pallborðsumræðum með stjórnmálamönnum á opnum fundi. Ég hringdi í bæði Stöð 2 og Ríkisútvarpið og Magnús Geir útvarpsstjóri greip þetta á lofti,“ segir Kári.

„Svo hafa þau samband við mig og segja vera búin að skipuleggja þetta. Þau ætli að hafa tvö pallborð, á öðru borðinu verði ýmsir sérfræðingar og á hinu borðinu verði pólitíkusarnir. Þeir buðu mér að taka þátt með sérfræðingunum og ég sagði þeim að það kæmi ekki til greina, ég væri enginn sérfræðingur og hef ekki unnið í íslensku heilbrigðiskerfi í fjörutíu ár.“

Sagt er að boðið verði upp á málefnalegan umræðuvettvang á ...
Sagt er að boðið verði upp á málefnalegan umræðuvettvang á borgarafundinum. mbl.is/Ómar

Undirskriftasöfnunin ástæða fundarins

Kári segir að fremur hafi hann verið að leiða það sem hann lítur á sem grasrótarhreyfingu sem beinist að þessum málaflokki.

„Þeir segja nei, við viljum ekki hafa þig á pallborði með stjórnmálamönnunum. Þá sagði ég ósköp einfaldlega við þá að þá tæki ég ekki þátt í þessu.

Mér finnst það persónulega svolítið asnalegt þar sem ástæðan fyrir þessum fundi er undirskriftasöfnunin og það sem söfnunin beinist að er að setja þrýsting á stjórnmálamenn. Þarna er RÚV að hunsa þá staðreynd að beint lýðræði er orðið eða er að verða mikið afl, ekki aðeins í stjórnmálum á Íslandi heldur um allan heim.“

Skilaboð til undirskrifenda

Kári segir að honum finnist hann verða að koma skilaboðum til þeirra sem skrifað hafa undir í söfnuninni.

„Ég vil koma því áleiðis að ástæðan fyrir því að ég er ekki þátttakandi í fundinum er einfaldlega sú að okkur hefur ekki staðið til boða að vera þátttakendur. RÚV vill okkur ekki í þessu og það er í sjálfu sér allt í lagi því það verða umræður um heilbrigðismál en ekki um mig, aðstandendur söfnunarinnar eða hana sem slíka. 

Þetta er ofboðslega asnalegt, það má vel vera að það sé gott að einhverjir aðrir séu að ræða þetta, því það er auðvitað búið að heyrast dálítið í mér og fólki í kringum mig á þessum vikum, en það er sama, af því að þetta er einhvers konar hápunktur þessarar söfnunar,“ segir Kári.

„Stjórnmálaflokkarnir eru svo margir. Ef það er einhver sem á að vera þarna þá er það ég að setja þrýsting á stjórnmálamennina. Hitt meikar engan sens.

Að þessu sögðu finnst mér það myndarlegt af RÚV að halda þennan borgarafund. En ég hefði haldið að skemmtilegasta sjónvarpið væri að etja mér gegn stjórnmálamönnunum í þessum hópi. En RÚV er með svolitla drottningarstæla og þeir vilja stjórna og þeir vilja ráða. Þeir lúta ekki einu sinni „common sense“.“

Ingólfur segir RÚV vera með óhlutdrægi að leiðarljósi.
Ingólfur segir RÚV vera með óhlutdrægi að leiðarljósi. mbl.is/Eva Björk

Ekki pólitísk uppákoma

Ingólfur Bjarni Sigfússon vef- og nýmiðlastjóri RÚV segir í samtali við mbl.is að Kára hafi vissulega verið boðið til fundarins.

„Við buðum honum og hann vildi ekki þiggja það boð. Þetta er í sjálfu sér ekki pólitísk uppákoma heldur borgarafundur, þar sem við erum að leita svara en ekki að setja þumalskrúfur á menn eða vinna að einhverjum tilteknum málstað,“ segir Ingólfur, spurður af hverju Kári hafi ekki fengið að vera á pallborði með fulltrúum stjórnmálaflokkanna.

„Ég sé það á þeim spurningum sem okkur berast að það er mjög margt sem brennur á fólki og við ætlum að reyna að fá svör við því. Ég held að Kári hefði verið mjög gott innlegg í annan panelinn en þetta er ekki fundur þar sem til stendur að Kári, eða einhver annar, sé að herja á stjórnmálamenn. RÚV hefur allt annað hlutverk og lagaramma heldur en þann.“

Samrýmist illa hlutverki RÚV

Þá segir Ingólfur að Kára hafi einnig verið boðið að koma á milli pallborðsumræðna til að afhenda þær undirskriftir sem safnast hafa.

„Hann vildi það heldur ekki og það er í raun og veru hans mat. Fundurinn snýst ekki um undirskriftirnar per se þó vissulega sé sá mikli áhugi sem landsmenn sýna kveikjan að því að halda borgarafund um málið.

En ef við myndum stilla upp panel, þar sem fulltrúi einhverrar hreyfingar, hvort sem það er Kári eða einhver annar, hefur það hlutverk að herja á einhvern annan, þá samrýmdist það illa hlutverki RÚV, sem er með óhlutdrægi að leiðarljósi.“

mbl.is

Innlent »

Gefur nákvæma mynd af samskiptum við Glitni

19:28 Bjarni Benediktsson, formaður Sjálfstæðisflokksins, átti samskipti við lykilmenn hjá Glitni til jafns í gegnum netfang sitt hjá Alþingi og netfang sem hann hafði á vegum BNT hf., þar sem hann var stjórnarformaður á árunum fyrir hrun. Frá þessu er er greint á vef RÚV. Meira »

Nýjar íbúðir við Efstaleiti

19:05 Sala á nýjum íbúðum sunnan við Útvarpshúsið í Efstaleiti hefst um mánaðamótin. Íbúðirnar eru þær fyrstu sem rísa í nýju hverfi. Félagið Skuggi byggir íbúðirnar. Þær verða afhentar næsta sumar. Almennt munu ekki fylgja bílastæði með íbúðum sem eru minni en 60 fermetrar. Meira »

Snjallsímar sjaldan orsakavaldurinn

18:29 Samkvæmt rannsókn sem Neytenda- og öryggisstofnun Hollands hefur unnið að varðandi reiðhjólaslys kemur fram að notkun og áhrif snjallsíma eru hverfandi sem orsakavaldur slíkra slysa. Áfengi og samræður við aðra eru hins vegar mun líklegri til að hafa með slík slys að gera. Meira »

Slökkviliðið hafi eftirlit með aðgengi

18:20 Öryrkjabandalag Íslands skorar á þingmenn sem ná kjöri í komandi þingkosningum að beita sér fyrir því að eftirlit verði haft með aðgengi fatlaðra að byggingum. Meira »

Svona skammaði Lilja Gordon Brown

18:12 Lilja Alfreðsdóttir, varaformaður Framsóknarflokksins, var gestur Svala&Svavars á föstudagsmorgun. Hún talaði m.a. um stefnumál Framsóknarflokksins og sagði svo söguna af því þegar hún skammaði Gordon Brown, fyrrverandi forsætisráðherra Bretlands, fyrir að hafa sett Ísland á hryðjuverkalista. Meira »

Héldu „alvöru afmæli“ fyrir Haniye

17:32 Tólf ára afmæli Haniye Maleki var haldið fyrr í dag, í annað skipti, en í sumar var haldið afmæli fyrir hana á Klambratúni. En þá var útlit fyrir að hún gæti haldið upp á það hérlendis, þar sem senda átti hana og föður hennar af landi brott á grundvelli Dyflinnarreglugerðarinnar. Meira »

Ekki hægt að útiloka stærri skjálfta

16:42 Ekki er útilokað að enn stærri skjálftar verði á Suðurlandi á næstu dögum, hugsanlega af svipaðri stærð og Suðurlandsskjálftarnir 2008, sem mældust um 6 stig á Richter-kvarða. Meira »

Alltaf upplýst um mál þjálfarans

17:12 Sundsamband Íslands (SSÍ)hefur ávalt upplýst um mál Hildar Erlu Gísladóttur, sem segir sögu sína af kynferðislegri misnotkun sundþjálfara í Fréttablaðinu í dag, frá því að það kom upp þegar fyrirspurnir hafa borist um sundþjálfarann. Þetta segir í yfirlýsingu sem SSÍ sendi frá sér nú síðdegis. Meira »

Vilja svör við stjórnarskrármálinu

16:31 Nokkur hópur fólks mætti á kröfufund sem haldinn var á Austurvelli nú síðdegis. Yfirskrift fundarins var „Hvað varð um nýju stjórnarskrána?“ en fimm ár eru í dag liðinn frá því að þjóðartkvæðagreiðsla var haldin um stjórnarskrármálið. Meira »

Lögregla í New York brást íslenskri konu

16:15 Mál íslenskrar konu, sem var nauðgað í New York árið 2009, er notað sem dæmi um vanhæfni lögreglufulltrúa í New York, sem sakaður er um að hafa brugðist starfsskyldum sínum á ýmsan hátt. Meira »

Smitáhrif lítil af kynjakvótum

16:00 „Þrátt fyrir áhrif lagasetningarinnar á kynjasamsetninguna í stjórnum stærri fyrirtækja, þá hafa lögin ekki haft smitáhrif á kynjahlutfall smærri fyrirtækja. Lögin um kynjakvóta hafa ekki heldur haft smitáhrif í átt til fjölgunar stjórnarformanna sem neinu nemur,“ segir Guðbjörg. Meira »

Grímuklædd á fund stjórnmálaflokkanna

15:58 Nemendur og kennarar Lista­há­skólans hafa í dag heimsótt kosningaskrifstofur framboðslistanna í Reykjavík til að vekja athygli á húsnæðisvanda skólans. Grímu- og gallaklæddur hópurinn heimsótti m.a. kosningaskrifstofur Pírata og Sjálfstæðisflokksins og afhenti grjót úr þaki skólans. Meira »

Frambjóðendafjör á Kjötsúpudaginn

15:30 Hinn árlegi Kjötsúpudagur er haldinn á Skólavörðustígnum í dag. Líkt og fyrri ár var lítra eftir lítra af gómsætri kjötsúpu útdeilt til gesta og gangandi. Þetta ár var einnig efnt til Frambjóðendafjörs sem fór fram á heyvagni við Hegningarhúsið. Meira »

Fatlaðir út í samfélagið

13:28 Í Grafarvogi er að finna Gylfaflöt, dagþjónustu sem sinnir ungu fólki með fötlun sem ekki kemst út á almennan vinnumarkað. Nýtt verkefni gerir þeim kleift að vinna úti í samfélaginu, kynnast nýju fólki, efla sjálfstraust og gera gagn í þjóðfélaginu. Meira »

Þuríður Harpa kjörin formaður ÖBÍ

12:13 Þuríður Harpa Sigurðardóttir, varaformaður Sjálfsbjargar, var kjörin nýr formaður Öryrkjabandalags Íslands á aðalfundi samtakanna í morgun. Þuríður Harpa tekur við af Ellen Calmon, sem hefur verið formaður bandalagsins frá árinu 2013. Meira »

Erum á Íslandi, ekki banana­lýðveldi

14:21 Nýr formaður Öryrkjabandalags Íslands, Þuríður Harpa Sigurðardóttir, segir nýtt starf leggjast vel í sig. „Ég er bara bjartsýn og full af baráttuhug. Nú langar mig bara að fara að beita mér fyrir þann þjóðfélagshóp sem ég tilheyri,“ segir Þuríður. Meira »

Ekki lengur spurt um Sjálfstæðisflokkinn

13:24 Aðferðafræði í nýjustu könnun Félagsvísindastofnunar er lítillega breytt frá fyrri könnunum á fylgi flokka. Þeir kjósendur sem enn eru óákveðnir eftir tvær spurningar eru ekki lengur spurðir hvort líklegra sé að þeir kjósi Sjálfstæðisflokkinn eða annan flokk eða lista. Meira »

Skjálftinn mun stærri en talið var

11:56 Jarðskjálftinn sem varð klukkan 21.50 í gærkvöldi, um 6 kílómetra norðaustur af Selfossi, var mun stærri en talið var í fyrstu, eða 4,1 að stærð. Í fyrstu var gefið upp að hann hefði verið 3,4 að stærð, en á því er töluverður munur. Meira »

Skoðanakannanir

[ Nánar | Allar kannanir í CSV-skrá ]

Mátturinn eða dýrðin - Greinaflokkur

Gisting við Gullna hringinn..
Studio herb. með sérbaði og eldunaraðstöðu, heitur pottur utandyra, 6 mínútur fr...
GLÆSILEGT HÚS T LEIGU Í VENTURA FLORIDA
Í húsi sem er v. 18 holu golfvöll eru 3 svh. m. sjónv., 2 bh., 1 wc, stór stofa,...
Stimplar
...
 
Eldri borgarar
Staður og stund
Aflagrandi 40 Dagurinn byrjar á opinni v...
Vélavörður
Sjávarútvegur
Vélavörður óskast! Vélavörð vantar á ...
Rýmingarsala
Til sölu
Rýmingarsala á bókum um helgina 5...
Samkoma
Félagsstarf
Samkoma kl. 20 í Kristniboðs- salnum. R...