Áform leigutaka sem reka veitingastaðinn Svörtufjöru við Reynisfjöru í Mýrdalshreppi um að hefja gjaldtöku á bílastæðum við veitingastaðinn komu flatt upp á aðra landeigendur þegar þau voru tilkynnt í gær.

Í umfjöllun um mál þetta í Morgunblaðinu í dag segir einn landeigenda, Bryndís Harðardóttir, að á þriðja hundrað manns eigi landið við Reynisfjöru í sameign en eins og fram hefur komið er fjaran vinsæll áfangastaður ferðamanna.

„Þeir eru með leigusamning á bílastæðinu og reka Svörtufjöru. En það hefur enginn fundur verið haldinn af hálfu rekstaraðila um málið,“ segir Bryndís. Hún segir það ekki víst að landeigendur séu á móti þessu en það hljóti að vera sjálfgefið að halda fund með landeigendum áður en farið sé í þessa vegferð.

Tengdar fréttir

Ferðamenn á Íslandi

Verður metið frá 2018 jafnað?

• Ný hótelkeðja er í burðarliðnum á Íslandi
• Stefnir í metsumar í komu ferðamanna
• Mikilvægt að vera á tánum
• Ferðaþjónusta aldrei vegið þyngra í landsframleiðslu

» Fleiri tengdar fréttir