Leigjandi og leigusali eiga að gera úttekt á ástandi leiguíbúðar áður en afhending þess fer fram og við lok leigutíma. Þetta er meðal breytingatillagna sem velferðarnefnd skilaði af sér við frumvarp Eyglóar Harðardóttur, félags- og húsnæðismálaráðherra, um húsaleigulög.
Í breytingatillögum nefndarinnar segir að óháður úttektaraðili skuli annast úttektina óski annar aðilinn þess og skiptist kostnaðurinn við úttektina þá að jöfnu milli leigjanda og leigusala.
Frétt mbl.is: 2.300 íbúðir á næstu fjórum árum
Frumvarpið er á dagskrá þingfundar í dag. Sigríður Ingibjörg Ingadóttir, formaður velferðarnefndar, á von á því að frumvarpið verði samþykkt á Alþingi í þessari viku og eins frumvarp um almennar íbúðir, sem felur í sér fjölgun leiguíbúða fyrir tekjulága um 2.300 á næstu fjórum árum en frumvarpið felur í sér aðkomu ríkis og sveitarfélaga að stofnun sjálfseignarstofnana sem reka leiguíbúðirnar.
Frétt mbl.is: Íbúðafrumvarp hækki fasteignaverð
Íbúðafrumvarpið var afgreitt úr velferðarnefnd í dag og telur Sigríður líklegt að það fari fyrir þing á morgun eða fimmtudag í síðasta lagi.