„Það verður mikið partý hjá Íslendingum í Marseille í kvöld [gærkvöldi] og vonandi getum við öll fagnað meira á morgun [í dag],“ sagði Kolbeinn Sigþórsson á blaðamannafundi í Marseille í gær vegna landsleiksins gegn Ungverjum á EM í dag. Leikurinn hefst kl. 16.

Hátt í 10 þúsund Íslendingar eru mættir til Marseille til að styðja landsliðið. Fjöldi fólks var þegar mættur á svæðið í gær. Meðal þeirra var 80 manna hópur á vegum Húsvíkingsins Hólmfríðar Garðarsdóttur, sem rekur litla ferðaskrifstofu. Allur hópurinn tengist Húsavík meira og minna.

Sálfræðingar, sem rætt er við í Morgunblaðinu í dag, segja árangur landsliðsins hafa mikil og góð áhrif á þjóðarsálina og jafnist á við stóran skammt af geðlyfjum. Mót sem þessi sameini fólk, líkt og þorskastríðin.

Tengdar fréttir

EM 2016 í fótbolta

Danir slógu Evrópumeistarana úr leik

• Landsliðið tilnefnt til verðlauna – almenningur kýs
• Enska liðið mætti með smá hroka
• Þakklát fyrir boðið til Íslands
• Notkun gagnamagns jókst um 600%

» Fleiri tengdar fréttir