Hugsanlegt er að settur verði upp risaskjár utan Ingólfstorgs fyrir leik Íslands og Englands sem fram fer á mánudaginn.

Einungis 3.000 Íslendingar kræktu í miða á leikinn í Nice, en 8.000-10.000 Íslendingar hafa verið á leikjum íslenska liðsins í Frakklandi til þessa. Það má því búast við að fleiri vilji horfa á leikinn ásamt löndum sínum á risaskjá í Reykjavík.

Að sögn Ragnars Más Vilhjálmssonar hjá Manhattan Marketing, sem sér um framkvæmd og skipulagningu EM-torgsins, er ekki hægt að flytja EM-torgið á Ingólfstorgi annað, t.d. á Arnarhól, og þyrfti því að setja upp nýtt torg, sem sé hægara sagt en gert.

„Það þyrfti líka að flytja það til baka, út af því að Arnarhóll er alltof stór vettvangur fyrir hina leikina, þótt hann sé flottur fyrir Íslandsleikinn. En þetta er í skoðun og við munum gera það sem best er hægt að gera í stöðunni.“

Tengdar fréttir

EM 2016 í fótbolta

Danir slógu Evrópumeistarana úr leik

• Landsliðið tilnefnt til verðlauna – almenningur kýs
• Enska liðið mætti með smá hroka
• Þakklát fyrir boðið til Íslands
• Notkun gagnamagns jókst um 600%

» Fleiri tengdar fréttir

• Blogga um frétt