Ríkisráðsfundur verður haldinn klukkan 11 á Bessastöðum á morgun. Um er að ræða síðasta ríkisráðsfund fráfarandi forseta Íslands, Ólafs Ragnars Grímssonar.
Að loknum fundinum mun forsetinn bjóða ráðherrum og handhöfum forsetavalds, forseta Hæstaréttar og Alþingis, til hádegisverðar. Er mökum gestanna einnig boðið í hádegisverðinn.
Samkvæmt upplýsingum frá forsetaembættinu er um hefðbundinn ríkisráðsfund að ræða og verða lög endurstaðfest sem hafa gengið í gegn frá því að síðasti ríkisráðsfundur var haldinn eins og venja er.