Útleiga á ósamþykktum íbúðum er vaxandi vandamál, að mati sviðsstjóra forvarnasviðs hjá slökkviliðinu á höfuðborgarsvæðinu. Húsnæðið þar sem eldur kviknaði á Smiðjuvegi í nótt er ekki skráð sem íbúðarhúsnæði en þar búa 12 til 15 manns.
Frétt mbl.is: Eldurinn kviknaði í Bingó
Í samtali við Rúv segir Bjarni Kjartansson, sviðsstjóri forvarnasviðs hjá slökkviliði höfuðborgarsvæðisins, að slökkviliðið hafi það sterklega á tilfinningunni að útleigan sé að aukast.
Hann segir slökkviliðið ekki hafa haft mannafla til að kortleggja stöðu mála.
Í tilkynningu sem slökkviliðið sendi frá sér í morgun segir að það hafi tekið um þrjár klukkustundir að ráða niðurlögum eldsins sem reyndist vera í þaki eða millilofti á milli verslunar og veitingahússins.
Eldsupptök eru ókunn.