Skýrslur af starfsfólki ekki teknar
Setja bókamerki
Lögreglan á höfuðborgarsvæðinu hefur ekki tekið skýrslur af starfsfólki skemmtistaðarins Húrra við Tryggvagötu vegna hvarfs Birnu Brjánsdóttur. Síðast er vitað til þess að Birna hafi verið í samskiptum við fólk á staðnum aðfaranótt laugardags.
Jón Mýrdal, eigandi Húrra, býst við því að lögreglan muni fljótlega tala við starfsfólkið.
Að sögn Jóns kom lögreglan á Húrra aðfaranótt sunnudags og spurði meðal annars út í eftirlitsmyndavélakerfi staðarins.
Lögreglan fékk afrit af öllum þeim skrám en í myndavél sem er beint að útgangi staðarins sást Birna labba út. Staðurinn lét móður Birnu vita af þessu í gegnum Facebook.
„Þetta er hræðilegt. Hún er búin að vera týnd í þrjá daga. Ég er sjálfur faðir og ég myndi fá taugaáfall,“ segir Jón í samtali við mbl.is. „Þetta er eins ömurlegt og það getur gerst.“
Jón segir að starfsfólk Húrra muni gera allt sem í valdi þess stendur til að aðstoða við leitina að Birnu.
740 milljón króna sígarettusmygl
Algeng laun 1,4 til 2,2 milljónir
Komu saman á kyrrðar- og bænastund
Rannsóknin skýrist með hverjum degi
Of margir nemendur og ákall um hæft starfsfólk
Glæpastarfsemi orðin mun skipulagðari
Mikill útflutningur frá Vestfjörðum