Lögreglan á höfuðborgarsvæðinu kærði úrskurð Héraðsdóms Reykjaness um tveggja vikna gæsluvarðhald vegna alvarleika málsins að sögn Gríms Grímssonar yfirlögregluþjóns en farið var fram á að það yrði fjórar vikur. 

Hann segir að ávallt séu að bætast við ný sönnunargögn í málinu, lögreglunni miði nú vel áfram og að verið sé að upplýsa málið.

mbl.is ræddi við Grím í dag en viðtalið var tekið áður en upplýsingar bárust um að fjórði maðurinn í áhöfn Polar Nanoq hefði verið handtekinn í nótt eftir að fíkniefni fundust um borð í skipinu.

Í upphafi myndskeiðsins er rætt við Jón H.B. Snorrason, aðstoðarlögreglustjóra og saksóknara, í Héraðsdómi Reykjaness eftir að gæsluvarðhald yfir tveimur skipverjum var staðfest. Þá sést þegar mennirnir eru leiddir út úr réttarsalnum með handklæði yfir höfði sér. 

Tengdar fréttir

Birna Brjánsdóttir

Fjalla um mál Birnu Brjánsdóttur

• Thomas Møller Olsen fluttur til Danmerkur
• Tekur ekki fyrir mál Thomasar Møller
• Aðferðir lögreglu gagnrýndar
• Föt og púsl ekki hluti af sakarkostnaði

» Fleiri tengdar fréttir

• Blogga um frétt