Skoða sameiginleg norræn mótmæli

Guðlaugur Þór Þórðarson utanríkisráðherra ætlar að ræða við norræna starfsbræður sína næstu daga og ræða hvort tilskipun Donald Trump Bandaríkjaforseta um að banna fólki frá ákveðnum ríkjum í Miðausturlöndum að koma til Bandaríkjanna verði mótmælt sameiginlega á norrænum vettvangi.

Greint var frá þessu í Morgunblaðinu í morgun.

Tilskipuninni hefur verið mótmælt víða um heim. Guðlaugur sagði í viðtali á Morgunvaktinni á Rás 2 í morgun að það sé ekki í samræmi við það sem vestræn ríki hafa staðið fyrir þegar ákveðin lönd séu tekin fyrir á þennan hátt.

Öllu máli skipti að það sé góð samtaða meðal vestrænna þjóða bæði þegar kemur að öryggis- og varnarmálum, mannréttindamálum og frjálsum heimsviðskiptum. „Ef Bandaríkin myndu breyta í grundvallaratriðum í þeirri stefnu hefði það mikil áhrif, og ekki jákvæð áhrif,“ sagði Guðlaugur.

Þarf að berjast fyrir því góða í heiminum

Áður hafði Óttarr Proppé heilbrigðisráðherra tjáð sig um tilskipun Trump á Facebook-síðu sinni í gær. Sagði hann að það væri þyngra en tárum taki að upp­lifa þá mis­mun­um og mann­vonsku sem nýr Banda­ríkja­for­seti leyfi sér að inn­leiða gagn­vart inn­flytj­end­um og flótta­mönn­um. „Mót­mæl­um öll,“ skrif­aði Ótt­arr.

Frétt mbl.is: „Mótmælum öll“

Ótt­arr hvet­ur fólk til að halda þessu til haga. „Það þarf að berj­ast fyr­ir því góða í heim­in­um. Það sigr­ar ekki af sjálfu sér.“

Benedikt Jóhannesson fjármálaráðherra skrifaði á Facebook-síðu sína í gær að það væri hræðilegt að hugsa til þess hvernig komið er fyr­ir Banda­ríkj­un­um, þar sem for­dóm­ar ráði nú ríkj­um.

Frétt mbl.is: „Fáfræði og fljótræði stýra för“

„Íslend­ing­ar hljóta all­ir að styðja frelsið og lýsa vanþókn­un á stefnu og aðgerðum Trumps,“ skrif­ar Bene­dikt á Face­book-síðu sinni.

Jóna Sólveig Einarsdóttir, formaður utanríkismálanefndar Alþingis, sagði í Morgunblaðinu í dag að ákveðið hefði verið að nefndin ræði á fundi sínum á fimmtudag aðgerðir Bandaríkjaforseta.

• Blogga um frétt