Ríkið sýknað af kröfu Zúista

Zuism er fimmta fjölmennasta trúfélag Íslands.
Zuism er fimmta fjölmennasta trúfélag Íslands. Mynd/Facebooksíða Zúista

Héraðsdómur Reykjavíkur hefur sýknað íslenska ríkið af kröfu trúfélagsins Zuism um rúmar fimm milljónir króna vegna vangoldinna sóknargjalda. Þá var því hafnað að félagið fengi að hækka kröfu sína upp í rúmar 32 milljónir, við upphaf aðalmeðferðar málsins.

Ekki er um að ræða sömu aðila og auglýstu um haustið 2015 að þeir sem myndu ganga í félagið fengju sóknargjöld sín endurgreidd, heldur þá sem fóru með stjórn félagsins áður.

Kröfðust þeir sókn­ar­gjald­anna sem söfnuðust höfðu eftir að um 3.200 manns gengu í félagið. Nem­ur greiðslan frá rík­inu 10.800 krón­um fyr­ir hvern meðlim á árs­grund­velli, og því miklar fjárhæðir í tafli, eða um 35 milljónir króna fyrir síðasta ár.

Skipt um forstöðumann

Fram kemur í dómi réttarins að félagið hafi verið stofnað í apríl 2013, skráð hjá fyrirtækjaskrá og einnig sem trúfélag hjá innanríkisráðuneytinu. Tæpu ári síðar, í febrúar 2014, hafi skráður forstöðumaður þess tilkynnt að hann væri hættur sem slíkur. Sagðist hann ekki vita hver færi með stjórn félagsins.

Sýslumaðurinn hafi þá talið að félagið uppfyllti ekki lengur skilyrði til þess að vera skráð trúfélag. Í kjölfar auglýsingar þess efnis í Lögbirtingablaðinu hafi Ísak Andri Ólafsson, sá sem skráður er í dag á vefnum zuistar.is sem stjórnarformaður félagsins, gefið sig fram við sýslumanninn.

„Hann kvaðst fara fyrir hópi manna sem hefðu reynt að starfa í félaginu og vildu halda starfsemi þess áfram,“ segir í dómnum.

Svo fór að Ísak Andri var skráður forstöðumaður félagsins, 1. júní 2015, eftir að hann hafði sent sýslumanni gögn þar að lútandi.

Krafðist skráningar annars forstöðumanns

Stefnandinn í málinu kvaðst fyrir dómi hafa fengið upplýsingar um skráningu Ísaks Andra sem forstöðumanns í lok árs 2015.

Þann 16. desember 2015, sendi hann erindi til sýslumannsembættisins á Norðurlandi eystra og krafðist þess að skráning á forstöðumanni félagsins yrði leiðrétt þannig að Ágúst Arnar Ágústsson, sem áður var formaður stjórnar félagsins, yrði skráður forstöðumaður.

Vikurnar fyrir þá dagsetningu höfðu fjölmargir gengið í félagið, enda vakti boð nýrra stjórnenda um endurgreiðslu sóknargjalda töluverða athygli hér á landi, og jafnvel utan landsteinanna.

Meðal hugmynda sem fram hafa komið um trúarstað Zuista. Hér ...
Meðal hugmynda sem fram hafa komið um trúarstað Zuista. Hér er grunnhugmynd að pýramíðahofi í Reykjavík. Mynd/Facebooksíða Zúista

Skráning Ísaks Andra felld úr gildi

Þann 5. febrúar 2016 sendi Ísak Andri bréf til Fjársýslu ríkisins, þar sem hann bað þess að greiðslu sóknargjalda til stefnanda yrði frestað þar til skrifleg ósk þar að lútandi bærist frá félaginu.

„Kvað hann ástæðu beiðninnar vera þá að ekki hefði tekist að greiða úr málum er vörðuðu rekstrarfélag trúfélagsins. Stjórnarmenn í stefnanda tengdust ekki lengur stjórn hins viðurkennda trúfélags Zuism,“ segir í dómnum.

Í kjölfarið hafi stefnandi sent Fjársýslu ríkisins tölvupóst, og krafist þess að sóknargjöldin yrðu greidd sér. Erindinu var hafnað með tölvupósti 15. sama mánaðar, þar sem skráður forstöðumaður félagsins, Ísak Andri, hefði óskað þess að gjöldin yrðu ekki greidd.

Brá stefnandinn þá á það ráð að kæra ákvörðun sýslumannsins á Norðurlandi eystra, um að skrá Ísak Andra sem forstöðumann félagsins. Með úrskurði ráðuneytisins eftir höfðun málsins, eða þann 12. janúar síðastliðinn, var skráning Ísaks Andra felld úr gildi. Kröfu stefnanda, um að skrá Ágúst Arnar sem forstöðumann, var hins vegar vísað frá, og til umfjöllunar hjá sýslumanni.

Á ekki rétt á sóknargjöldum

„Byggði niðurstaða ráðuneytisins á því að málið hefði ekki verið nægjanlega upplýst þegar sýslumaður tók ákvörðun um að skrá Ísak Andra sem forstöðumann þar sem hann hafi ekki leitað upplýsinga hjá skráðum stjórnarmönnum félagsins áður en hann tók ákvörðun um að birta auglýsinguna í Lögbirtingablaðinu,“ segir í dómnum.

Eftir að skráning Ísaks Andra var felld úr gildi sé því nú enginn skráður forstöðumaður í félaginu, en sýslumaður hafi til meðferðar kröfu stefnanda um skráningu Ágústs Arnars, og sömuleiðis hvort félagið uppfylli skilyrði þess að vera skráð trúfélag.

Segir að lokum í dómnum að félagið hafi ekki fært sönnur fyrir því að eiga rétt á greiðslum sóknargjalda. Var ríkið því sýknað af kröfum þess. Málskostnaður var þó látinn falla niður.

mbl.is

Innlent »

„Þetta eru mikil vonbrigði“

13:52 Forstjóri Sjúkrahússins á Akureyri segir að það séu mikil vonbrigði að það fjármagn sem sé eyrnamerkt sjúkrahúsinu í fjárlagafrumvarpinu sé óbreytt upphæð frá frumvarpinu sem var lagt fram í haust, eða 47 milljónir kr. Meira »

Búið að ákæra vegna morðsins á Sanitu

13:46 Embætti héraðssaksóknara hefur gefið út ákæru vegna morðsins á Sanitu Braune, 44 ára gamalli konu frá Lettalandi sem myrt var á Hagamel í Vesturbæ Reykjavíkur 21. september. Maður sem grunaður er um að hafa orðið Braune að bana hefur setið í gæsluvarðhaldi síðan. Hann er ákærður fyrir manndráp. Meira »

Krefjast áframhaldandi varðhalds

13:26 Lögregla mun fara fram á áframhaldandi gæsluvarðhald yfir manninum sem grunaður er um að hafa stungið tvo albanska pilta, annan til ólífis, á Austurvelli aðfaranótt 3. desember. Núverandi varðhald yfir honum rennur út í dag. Meira »

Sekt Securitas lækkuð um 40 milljónir

13:15 Samkeppniseftirlitið hefur lækkað sekt Securitas vegna brota á samkeppnislögum úr 80 milljónum í 40 milljónir. Fólust brot Securitas í því að því að fyrirtækið gerði einkakaupasamninga við viðskiptavini sína um svokallaða Heimavörn og Firmavörn og máttu þeir ekki eiga í viðskiptum við önnur fyrirtæki í 3 ár. Meira »

Innkalla ís frá Valdísi

13:08 Emmessís hefur innkallað Valdís með jarðarberja- og ostakökubragði í samráði við matvælaeftirlit Heilbrigðiseftirlits Reykjavíkur vegna gruns um mögulegt kólígerlasmit. Meira »

Ráðherra samþykkti tillögu Geðhjálpar

12:57 Heilbrigðisráðherra hefur samþykkt tillögu Geðhjálpar um að setja á laggirnar starfshóp til að meta kosti þess að færa svokallaðar fyrirframgefnar tilskipanir (Advance Directives) fólks með geðrænan vanda inn í íslenska löggjöf. Meira »

Grænir skátar bætast í hópinn

12:16 Grænir skátar hafa nú slegist í hóp þeirra fyrirtækja sem standa fyrir endurvinnsluátaki á áli í sprittkertum, og nú má almenningur skila álinu í 120 móttökugáma Grænna skáta á höfuðborgarsvæðinu. Meira »

WOW air fjölgar ekki flugferðum

12:23 Flugáætlanir WOW air munu haldast óbreyttar fram að mögulegu verkfalli flugvirkja hjá Icelandair á sunnudaginn.  Meira »

Skarphéðinn skipaður ferðamálastjóri

12:09 Þórdís Kolbrún Reykfjörð Gylfadóttir, ráðherra ferðamála-, iðnaðar- og nýsköpunar, hefur skipað Skarphéðin Berg Steinarsson í embætti ferðamálastjóra til fimm ára frá 1. janúar nk. Meira »

Hvar eru skattalækkanir?

12:07 Sigmundur Davíð Gunnlaugsson, formaður Miðflokksins, spurði hvar skattar verði lækkaðir í fjárlagafrumvarpinu. Hann óskaði jafnframt eftir að fá að vita hvar áherslur Sjálfstæðisflokks væru að finna í fjárlagafrumvarpinu sem hann sagði vera meira litað af áherslum Vinstri grænna sem stýrðu för. Meira »

Umsóknarfrestur framlengdur til 4. janúar

11:52 Heilbrigðisráðherra hefur ákveðið að framlengja umsóknarfrest um embætti landlæknis, sem að óbreyttu hefði runnið út 20. desember, til 4. janúar næstkomandi. Embættið var auglýst laust til umsóknar 10. nóvember síðastliðinn. Meira »

100 þúsund íslensk lykilorð aðgengileg

11:37 Í síðustu viku var fyrst greint frá því að gagnasafn með 1,4 milljörðum lykilorða væri aðgengilegt á vefnum, en það hafði áður gengið kaupum og sölum á svokölluðu hulduneti (e. dark web). Að lágmarki 100 þúsund íslensk lykilorð er að finna í þessu gagnasafni og líklega eru þau mun fleiri. Meira »

„Þessu verður engu að síður fylgt eftir“

11:29 Mótmælunum sem fara áttu fram fyrir utan höfuðstöðvar Klakka á hádegi í dag hefur verið aflýst. Ákveðið var að hætta við mótmælin vegna ákvörðunar stjórnar Klakka að draga fyrirætlaðar bónusgreiðslur til starfsmanna félagsins til baka. Þetta kemur fram í yfirlýsingu Ragnars Þórs Ingólfssonar, formanns VR, á Facebook-síðu hans. Meira »

Mikill verðmunur á jólamatnum

11:09 Bónus er í langflestum tilvikum með lægsta verðið þegar kemur í verðlagningu á jólamat þetta árið samkvæmt verðkönnun ASÍ. Hagkaup, sem er líkt og Bónus í eigu Haga, er oftast með hæsta verðið á jólamatnum. Meira »

Fundum frestað um óákveðinn tíma

10:58 Fundum í kjaradeilum Flugvirkjafélags Íslands vegna Atlanta og Félags atvinnuflugmanna vegna Icelandair sem áttu að vera í þessari viku hefur verið frestað um óákveðinn tíma. Meira »

Lagði ríka áherslu á samstarf

11:22 Bjarni Benediktsson, fjármála- og efnahagsráðherra, lagði ríka áherslu á gott samstarf á Alþingi í umræðum um fjármálafrumvarpið 2018 þegar hann lagði það fram í ljósi þess hversu knappur tími væri til stefnu að samþykkja það. Meira »

Skíðasvæði víða opin í dag

10:59 Skíðasvæði landsmanna verða víða opin í dag. Í Bláfjöllum verður opið frá kl. 14 til 21 og er öllum boðið frítt í lyftur svæðisins. Meira »

Valt í Námaskarði

10:55 Flutningabifreið með tengivagn valt í austanverðu Námaskarði í Mývatnssveit um níuleytið í gærkvöldi. Ökumaður, sem var einn í bifreiðinni, slasaðist ekki við óhappið. Verið er að reyna að koma bifreiðinni upp á veg og því töluverðar tafir á umferð. Meira »

Börnin sem kerfið gleymdi

INTENSIVE ICELANDIC, ENGLISH & NORWEGIAN f. foreigners - ÍSLENSKA f.útl - ENSKA - NORSKA
START/BYRJA: 2018: 8/1, 5/2, 5/3, 2/4, 30/4, 28/5, 25/6 - (HOLIDAY/FRÍ: 18/7-21...
A2B Verktakar
Erum með faglærða aðila í öllum iðngreinum, ertu að flytja og vantar iðnarmann ...
Lok á heita potta og hitaveitu- skeljar
Lok á heita potta og hitaveitu- skeljar Stærðir í cm: 200x200, 210x210, 220x220,...
 
Aðalskipulag snæfellsbæjar
Fundir - mannfagnaðir
Auglýsing á aðalskipulagi Snæfellsbæ...
Álagning vanrækslugjalds
Nauðungarsala
Sýslumaðurinn á Vestfjörðum Auglýsin...
Tillaga
Tilkynningar
Tillaga að matslýsingu Í samræmi við l...
Félagsstarf aldraðra
Staður og stund
Aflagrandi 40 Opin vinnustofa kl. 9, gön...