Lokað á frekari stóriðjustarfsemi
Setja bókamerki
Bæjarstjórn Reykjanesbæjar samþykkti á fundi sínum í gærkvöldi nýtt aðalskipulag fyrir bæinn þar sem ekki er gert ráð fyrir frekari mengandi stóriðju á svæðinu við Helguvík umfram það sem þegar hefur verið samþykkt.
Þetta upplýsti Friðjón Einarsson, formaður bæjarráðs Reykjanesbæjar, á fundi umhverfis- og samgöngunefndar Alþingis í morgun þar sem rætt var um mengun frá kísilmálmverksmiðju United Silicon í Helguvík.
Lýst var áhyggjum af mengun frá kísilmálmverksmiðjunni á fundinum og tók Friðjón undir þær. Hins vegar sagði hann að þegar Reykjanesbær hefði einu sinni úthlutað lóð undir slíka starfsemi væri sveitarfélagið þar með í raun komið til hliðar. Þá tækju eftirlitsaðilar við. Það sem Reykjanesbær gæti fyrst og fremst gert væri að koma áhyggjum á framfæri.
Spurður hvort Reykjanesbær gæti gripið til einhverra þvingunarúrræða sagði Friðjón svo ekki vera í þessu tilfelli nema varðandi mál sem sneru beint að sveitarfélaginu.
Telur forsendur fyrir vaxtalækkun
Strand skemmtiferðaskips kallar á erlenda aðstoð
Shakespeare fannst í skókassa
/frimg/1/48/74/1487454.jpg)
Heldur inn í nóttina tuttugu kílóum léttari
Frambjóðendur skila inn listum í Hörpu
Bergnuminn í Hvalfirði
„Umsátursástand“
Kostnaður meiri en milljón á fermetra