Oddný G. Harðardóttir, þingmaður Samfylkingarinnar, er ekki ánægð með svörin sem hún fékk á opnum fundi allsherjar- og menntamálanefndar Alþingis með Kristjáni Þór Júlíussyni, menntamálaráðherra. Þar var rædd möguleg sameining Tækniskólans og Fjölbrautaskólans í Ármúla.

Frétt af mbl.is

„Miður“ að ótímabær umræða hafi hafist

„Ég skil ekki ennþá af hverju ráðherrann talar um að helsti vandi framhaldsskólanna séu fámennir framhaldsskólar og að stytting námstíma til stúdentsprófs hafi fækkað nemendum,“ sagði Oddný að loknum fundinum í morgun.

„Viðbrögðin séu þau að taka stærsta framhaldsskóla landsins, sem er Tækniskólinn, og einn af þeim stærri, sem er Fjölbrautaskólinn í Ármúla, og sameina þá og hann telur að það sé til mikilla hagsbóta að láta rekstraraðila Tækniskólans, sem eru Samtök atvinnulífsins, Samorka og Samtök fyrirtækja í sjávarútvegi og svo framvegis reka framhaldsskóla þar sem helsta sérsviðið eru námsbrautir í heilbrigðisþjónustu,“ sagði hún.

Kristján Þór Júlíusson, menntamálaráðherra, var gestur á fundi allsherjar- og menntamálanefndar Alþingis í morgun. Rætt var um mögulega sameiningu FÁ og Tækniskólans. mbl.is/Kristinn Magnússon

Frétt af mbl.is

„Þetta er skandall“

„Ég skil ekki hvernig honum dettur í hug að þetta muni bjarga vanda framhaldskólanna og að engin önnur áform séu uppi um breytingar til að takast á við þann vanda sem við blasir.“

Tengdar fréttir

Sameining Tækniskólans og FÁ

Auglýsa eftir nýjum skólameistara

• Horfi á gæði náms, ekki einstaka skóla
• Hætt við sameiningu FÁ og Tækniskólans
• Dúx FÁ gagnrýnir sameininguna
• Óvissuástand hjá starfsfólki FÁ

» Fleiri tengdar fréttir

• Blogga um frétt