Ekki með leyfi fyrir tónlistarhátíðinni
Setja bókamerki
Ekki hefur fengist leyfi fyrir tónlistarhátíð bresku hljómsveitarinnar The xx við Skógafoss helgina 14. til 16. júlí. Héraðsnefnd Rangárvallasýslu tók málið til umfjöllunar á fundi í vikunni og hafnaði umsókninni.
Ekki er útlit fyrir að af hátíðinni verði, því samþykki þarf frá umræddri héraðsnefnd auk héraðsnefndar Vestur-Skaftafellssýslu, sem saman eiga landsvæðið við Skóga, til að halda tónleika.
„Þeir eru byrjaðir að auglýsa áður en þeir eru komnir með leyfi í hönd,“ segir Sveinn Kristján Rúnarsson, yfirlögregluþjónn lögreglunnar á Suðurlandi. Hann bendir á að þetta er ekki í fyrsta skipti sem viðburðir eru auglýstir án þess að tilskilin leyfi liggi fyrir.
Auglýst hefur verið að miðar á tónleikahátíðina sem nefnist Night + Day verði komnir í sölu á föstudaginn næsta. Íslenskir tónlistarmenn eru sagðir munu koma fram á tónleikunum og á meðal flytjenda eru auglýstir Warpaint, Gangly, Högni og Mr. Silla.
„Við erum ekki hafin yfir gagnrýni“
Sýklalyfjaónæmi vaxandi vandamál
97 aðgerðir hafa neikvæð áhrif
Quang Le: „Ég gerði ekkert rangt“
„Hann skók húsið aðeins“
Ræddu við skólasystkini stúlkunnar í dag
Hefði ekki lagst gegn samþykkt sáttmálans