Hjólakraftur hjólaði í morgun í gegn um Akureyri á leið sinni um landið í WOW Cyclothon hjólreiðakeppnini. Eiga þau að baki sér erfiða nótt með miklum vindi. Þá tók Hjólreiðafélag Akureyrar vel á móti þeim og bauð þeim upp á hamborgaraveislu í morgunmat.  

Þegar krakkarnir héldu áfram í átt að Goðafossi var veðrið orðið mun betra og hjólurunum miðarvel áfram. Alls taka 110 krakkar þátt í keppninni í ár og með þeim ferðast þrjár rútur, húsbíll og flutningabíll fyrir öll hjólin auk nokkurra minni bíla.

Krakkarnir vilja þakka sýnda tillitsemi bílstjóra á vegum úti. Hægt er að fylgjast með gengi þeirra á Facebook.