Lið Hjólakrafts er komið í mark eftir að hafa hjólað hringinn í kringum landið í WOW Cylothon keppninni. Stutt er í að fyrstu liðin í B-flokki renni í mark.
Krakkarnir sem taka þátt fyrir hjólaklúbbinn Hjólakraft eru á aldrinum 11-18 ára en þetta er í þriðja skiptið sem Hjólakraftur tekur þátt í keppninni en árið 2014 unnu þau áheitakeppnina og fengu í verðlaun utanlandsferð frá WOW air sem þau nýttu til þess að fara í hjóleiðaferð til Frakklands.
Þorvaldur Daníelsson, forstöðumaður Hjólakrafts, var að vonum ánægður þegar mbl.is náði í hann við komuna í mark. Alls tóku 80 krakkar og 30 fullorðnir þátt undir merkjum Hjólakrafts og kom allur hópurinn saman í mark núna á sjöunda tímanum í morgun. Ferðalagið hringinn tók tæpar 59 klukkustundir og gekk áfallalaust. Eða eins og Þorvaldur segir: Þrjú sprungin dekk það er allt og sumt.
Hér er hægt að fylgjast með á mbl.is