„Almennt séð er krónan að lemja okkur í hausinn, það er alveg ljóst,“ segir Birgir Ómar Haraldsson, framkvæmdastjóri Norðurflugs, aðspurður hvort bókanir í þyrluferðir hafi minnkað í sumar.

Birgir segir að fyrirtækið finni fyrir styrkingu krónunnar en lengri og dýrari þyrluferðirnar hafa þó haldið sér ágætlega. „Lengri ferðirnar hafa haldið sér furðulega vel miðað við svona sterka krónu en ferðamaðurinn er frekar mikið að loka buddunni sinni þessa daga,“ segir Birgir.

Í umfjöllun um áhrif styrkingar krónunnar í Morgunblaðinu í dag segir Rannveig Grétarsdóttir, framkvæmdastjóri hjá Eldingu, sem býður meðal annars upp á hvalaskoðun og hestaferðir, að bókanir í ódýrari ferðir séu færri í ár.

Tengdar fréttir

Ferðamenn á Íslandi

Tekjur af ferðamönnum drógust saman

• Vonlaust ástand og okkur til skammar
• Farþegum fjölgaði um 10% í ágúst
• Ánægja með ferðaþjónustuna fer minnkandi
• Meiri ánægja með ferðamenn þegar þeim fækkar

» Fleiri tengdar fréttir