„Ég ætla að skíta á stöðina hjá þér, þú getur treyst á það,“ sagði ökumaður grunaður um fíkniefnaakstur við lögreglukonuna Arnþrúði Maríu Felixdóttur eftir að hún tilkynnti honum að hann þyrfti koma á lögreglustöðina í þvagprufu.
mbl.is kíkti með tveimur lögreglukonum á vaktina í síðustu viku en nú eru 66 lögreglukonur við störf hjá lögreglunni á höfuðborgarsvæðinu. Hlutfall lögreglukvenna er 22% og hefur hækkað mikið á síðustu árum.
Ásamt Arnþrúði var Björk Jónsdóttir á vaktinni en hún útskrifaðist úr Lögregluskólanum árið 2014. Í myndskeiðinu er rætt við lögreglukonurnar um starfið og skyggnst inn í störf þeirra.