Hælisleitendum sem koma til Íslands og eru frá löndum sem teljast örugg hefur fækkað mjög að undanförnu.
Ástæða þess er talin sú að breytingar á reglugerð um útlendinga sem sett var í ágúst síðastliðnum gáfu svigrúm til nýrra vinnubragða við afgreiðslu umsókna.
Samkvæmt tölum Útlendingastofnunar sóttu 186 manns um hæli á Íslandi í september og október síðastliðnum, en 379 þessa sömu mánuði í fyrra. Í ár hafa svo alls 965 sótt um alþjóðlega vernd á Íslandi, eða fjórðungi fleiri en í fyrra. Umsóknir voru í sögulegu hámarki alveg fram í ágúst, að regluverkið var sett en þá snerist taflið við og það sem af er nóvember eru umsóknir aðeins 25 talsins.