Í 18. sæti meðal fiskveiðiþjóða heims

Ríki meðyfir 500 þús.tonna fiskafla 2016.
Ríki meðyfir 500 þús.tonna fiskafla 2016.

Alls nam heimsaflinn árið 2016 rúmlega 92 milljónum tonna og minnkaði um 1,7 milljónir tonna frá árinu á undan, en var svipaður og 2013 og 2014.

Mest var veitt af alaskaufsa, 3,3 milljónir tonna, 3,2 millj. tonna af perúansjósu og 2,8 milljónir tonna af randatúnfiski.

Asíuþjóðir eru ofarlega á lista yfir þær þjóðir sem veiða mest af fiski. Kína ber höfuð og herðar yfir aðrar fiskveiðiþjóðir með 15,5 milljónir tonna og Indónesía er í öðru sæti með rúmlega sex milljónir tonna. Afli Asíuþjóða nam alls 43 milljónum tonna 2016. Þegar listi yfir heimsafla er skoðaður nokkur ár aftur í tímann sést að litlar breytingar verða á röðun þjóða innbyrðis.

Íslendingar eru í 18. sæti á listanum fyrir árið 2016 með tæplega 1,1 milljón tonna upp úr sjó. Spánn er sætinu neðar með tæplega milljón tonn. Norðmenn fiskuðu hins vegar tvöfalt meira en Íslendingar eða 2,2 milljónir tonna. Í Norðaustur-Atlantshafi voru veiddar alls 8,6 milljónir tonna árið 2016.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Fleira áhugavert
Fleira áhugavert