Aflífa alla eftirlifandi grindhvali á Langanesi

Þeir 11 til 15 hvalir sem enn eru á lífi af þeim 62 sem strönduðu á Langanesi í gær verða aflífaðir til að binda enda á þjáningar þeirra. Að sögn fréttaritara mbl.is á Þórshöfn náðist ekki að bjarga neinu dýri.

Í gærkvöldi stóð til að kalla út stóran hóp björgunarsveitarfólks til að reyna björgun á flóði í nótt en þau áform voru afturkölluð um miðnætti þar sem aðstæður voru einfaldlega of erfiðar í fjörunni á Langanesi.

Lögreglan á Þórshöfn er á vettvangi núna og fékk verklagsreglur frá MAST um það hvernig ætti að standa að aflífun með réttum hætti. Aflífun er nú lokið.

Frétt af mbl.is

Hvölunum verður ekki bjargað

Þeir hvalir sem lifðu enn í morgun hafa nú verið aflífaðir til að binda enda á þjáningar þeirra. Ljósmynd/Líney Sig.

Hvalirnir eru 62 talsins. mbl.is/Líney Sigurðardóttir

• 1 blogg um fréttina

Bloggað um fréttina

• Jónatan Karlsson: Hörmuleg verðmæta og matarsóun.