Hlaupið í Múlakvísl í rénun
Hlaupið í Múlakvísl er í rénun en áin er enn þá mjög vatnsmikil samkvæmt upplýsingum frá Veðurstofunni.
mbl.is/Jónas Erlendsson
Setja bókamerki
Hlaupið í Múlakvísl er í rénun. Rafleiðni hefur farið minnkandi frá því í gær og nálgast nú eðlilegt horf miðað við árstíma, að því er fram kemur í athugasemd sérfræðings á Veðurstofu Íslands.
Hlaupið hófst fyrir nokkrum dögum og mældist rafleiðni hæst í kringum 300 míkrósímens á sentimetra (míkróS/cm), en venjuleg rafleiðni í ánni er í kringum 100 míkróS/cm.
Mikið vatn er þó enn í ánni og er fólk hvatt til þess að sýna aðgát í nágrenni við hana. Hlaup af þessari stærðargráðu eru vel þekkt í Múlakvísl. Mikil gasmengun fylgdi hins vegar hlaupinu að þessu sinni og mældist gasmengun yfir heilsuverndarmörkum í fyrradag.
Veðurstofan, almannavarnir og viðbragðsaðilar á svæðinu munu fylgjast áfram með framvindu mála næstu sólarhringa.
Vonast til að tjaldbúðir við HÍ standi áfram
Breytingar á skipulagi fréttadeildar RÚV
Frambjóðendur skila inn listum í Hörpu
Ólíkt ákall fólks á landsbyggðinni
Strand skemmtiferðaskips kallar á erlenda aðstoð
/frimg/1/29/32/1293273.jpg)
Ekki af baki dottinn og ætlar að opna B5 aftur
Færri nota rafhlaupahjól eftir djammið
Kaldasti veturinn kom að óvörum