Leit að Rimu Grunskyté Feliksasdóttur, sem hefur verið saknað síðan kvöldið 20. desember, hófst að nýju klukkan 10 í morgun. Talið er að Rima hafi fallið í sjóinn við Dyrhólaey. 

Orri Örvarsson, formaður björgunarsveitarinnar Víkverja, segir að leitað verði frá Blautukvísl að Skógum. Leitað er á sömu svæðum og áður og reiknar Orri með að leit ljúki á milli klukkan 15 og 16 síðdegis. 

Orri segir aðstæður vera góðar, en alls eru ellefu björgunarsveitarmenn við leitina, 7 frá Víkverja og 4 frá Lífgjöf í Álftaveri. Leitað er á fjórhjóladrifnum ökutækjum og fótgangandi. 

„Það viðrar vel og núna er háfjara. Við erum að reyna að nýta þann tíma.“

Beri leitin í dag ekki árangur hefur verið ráðgert að skipuleggja stærri leit í byrjun janúar, en um helgina tók lögreglan á Suðurlandi í samráði við svæðisstjórn björgunarsveita ákvörðun um að fresta stærri leitaraðgerðum um sinn. 

Frétt af mbl.is

Stærri leitaraðgerðum frestað um sinn

Tengdar fréttir

Leit að Rimu við strandlengju Suðurlands

Formlegri leit að Rimu hætt

• Leita betur þegar veður leyfir
• Ómögulegt að segja hvort Rima finnist
• Björgunarsveitirnar gefa ekki upp vonina
• Síðasta stóra leitin að Rimu í dag

» Fleiri tengdar fréttir

• Blogga um frétt