„Allt gekk samkvæmt áætlun í nótt og er nú hráefni komið í ofninn og skorsteinum hefur verið lokað,“ segir í tilkynningu á Facebook-síðu kísilvers PCC á Bakka við Húsavík. Uppkeyrslu verksmiðjunnar fylgdi einhver reykur og brunalykt.

Í nótt var álagið á ofni verksmiðjunnar aukið til að ná upp stöðugum ljósboga í honum, en undanfarna daga hefur ofninn verið á vægu afli til að baka fóðringar.

Fyrsta skipið með hráefni fyrir ofna kísilversins kom til hafnar í Húsavíkí lok mars. Um var að ræða fyrstu hráefnissendingu í marga mánuði, en PCC greip til tímabundinnar stöðvunar á ljósbogaofnum kísilversins á síðasta ári til að gera endurbætur á reykhreinsivirki þess. Á þeim tíma var fjölda fólks sagt upp.

Frétt af mbl.is

80 sagt upp: „Ekki ákvörðun sem þú tekur af léttúð“

Tengdar fréttir

Kísilver PCC á Bakka

Fyrsti hráefnisfarmurinn til kísilversins

• Vel gengur að endurráða starfsfólk
• Niðurfærsla upp á 11,6 milljarða
• Vilja innflutningstolla á kísilmálm frá Íslandi
• Vill koma starfsmönnunum yfir í sláturhúsið

» Fleiri tengdar fréttir

• Blogga um frétt