Guðrún Hafsteinsdóttir markaðsstjóri Kjöríss bar sigur úr býtum í prófkjöri Sjálfstæðisflokksins í Suðurkjördæmi og Njáll Trausti Friðbertsson þigmaður gerði slíkt hið sama í Norðausturkjördæmi. Prófkjör Sjálfstæðisflokksins í kjördæmunum tveimur fóru fram í gær.

Frétt af mbl.is

Tveir nýir oddvitar valdir í dag

Í Suðurkjördæmi hafði Guðrún betur gegn Vilhjálmi Árnasyni þingmanni, sem einnig hafði boðið sig fram til að leiða listann, en hann varð annar í prófkjörinu. Í fyrsta sæti munaði 274 atkvæðum á Guðrúnu og Vilhjálmi. Þriðji varð Ásmundur Friðriksson þingmaður, sem hafði óskað eftir öðru sætinu.

Í Norðausturkjördæmi varð Njáll Trausti efstur, en Gauti Jóhannesson, forseti sveitarstjórnar Múlaþings, sem einnig hafði gefið kost á sér til forystu varð þriðji. Önnur í prókfjörinu varð Berglind Ósk Guðmundsdóttir lögfræðingur.

Efstu fimm í Suðurkjördæmi:

1. Guðrún Hafsteinsdóttir, 2.183 atkvæði í 1. sæti
2. Vilhjálmur Árnason, 2.651 atkvæði í 1.-2. sæti
3. Ásmundur Friðriksson, 2.278 atkvæði í 1.-3. sæti
4. Björgvin Jóhannesson, 1.895 atkvæði í 1.-4. sæti
5. Ingveldur Anna Sigurðardóttir, 2.843 atkvæði í 1.-5. sæti

Alls kusu 4.533, en nánari sundurliðun atkvæða má sjá hér.

Efstu fimm í Norðausturkjördæmi:

1. Njáll Trausti Friðbertsson, 816 atkvæði í 1. sæti
2. Berglind Ósk Guðmundsdóttir, 708 atkvæði í 1.-2. sæti
3. Gauti Jóhannesson, 780 atkvæði í 1.-3. sæti
4. Berglind Harpa Svavarsdóttir, 919 atkvæði í 1.-4. sæti
5. Ragnar Sigurðsson, 854 atkvæði í 1.-5. sæti

Alls kusu 1.570.

Tengdar fréttir

Alþingiskosningar 2021

Hafa „ágætis tíma“ til úrbóta

• Spyr hvort að ekki þurfi að boða til kosninga
• Niðurstaða MDE kallar á breytingar
• Niðurstaða MDE hefur engin bein réttaráhrif
• Stjórnvöld þurfi að axla ábyrgð

» Fleiri tengdar fréttir

• 1 blogg um fréttina

Bloggað um fréttina

• Óðinn Þórisson: Hafa lýðræðislegt umboð frá flokksmönnum ólíkt Samfó og Viðreisn