Guðlaugur Þór Þórðarson utanríkis- og þróunarsamvinnuráðherra segist nú leita svara við því hvort njósnað hafi verið um íslenska ráðamenn í gegnum dönsku leyniþjónustuna. Utanríkisráðuneytið hefur þegar leitað upplýsinga hjá sendiráði Danmerkur og danska varnarmálaráðuneytinu. 

Guðlaugur vildi í samtali við mbl.is ekki tjá sig um hvernig brugðist yrði við þeim fregnum. Þar væri best að taka eitt skref í einu og komast fyrst að því hvaða staðreyndir liggi fyrir um málið.

Frétt af mbl.is

Danir hjálpuðu Bandaríkjunum við njósnir

Hvaða fyrirbyggjandi ráðstafanir eru hér á landi sem koma í veg fyrir njósnir?

„Það sem ég hef lagt áherslu á er að við eflum netöryggi. Þess vegna hef ég sett fjölþætta deild inn í varnarmálaskrifstofu, sem ég endurvakti þegar ég kom inn sem ráðherra. Sömuleiðis erum við að taka þátt í öryggisvarnarsamstarfi með öðrum ríkjum,“ sagði Guðlaugur. 

Frétt af mbl.is

„Grefur augljóslega undan trausti“

„Svona mál eru ekki góð“

Telurðu að þetta muni hafa áhrif á milliríkjasamstarf milli Íslands og Danmerkur og hafið þið rætt málið við önnur ríki?

„Við skulum byrja á því að sjá hvað er í þessu áður en við leggjum eitthvað út af því. Það segir sig sjálft að svona mál eru ekki góð," sagði hann þegar blaðamaður mbl.is náði tali af honum fyrir framan Ráðherrabústaðinn.

Tengdar fréttir

Njósnir dönsku leyniþjónustunnar

Ekki talið að njósnað hafi verið um Íslendinga

• Telur samband Dana við bandaþjóðir ekki laskað
• Njósnir Dana ekki til rannsóknar hér á landi
• Macron og Merkel krefjast svara
• Njósnir litnar alvarlegum augum

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Flettu heldur bara upp nærtækum njósnabókum Gölle minn, það færi …