Þórólfur Guðnason sóttvarnalæknir sagði á upplýsingafundi almannavarna vegna Covid-19 að staðan á Landspítala og Sjúkrahúsinu á Akureyri væri þung. Með núverandi smitfjölda muni skapast neyðarástand á spítölunum.

Sóttvarnalæknir benti á að neyðarástand hefði skapast á sjúkrahúsum víða í Evrópu vegna uppgangs veirunnar. Staðan væri til að mynda slæm í austurhluta álfunnar en í Rúmeníu eru gjörgæslusjúklingar fluttir milli landa.

„Við viljum ekki lenda í því og grípum til aðgerða til að koma í veg fyrir slíkt,“ sagði Þórólfur.

Frétt af mbl.is

500 mega koma saman og afgreiðslutími styttur

Hann vonast til þess að nýkynntar samkomutakmarkanir skili árangri en segir lykilatriði hvernig fólk stundi einstaklingsbundnu sóttvarnirnar. Með því á hann við að fólk forðist mannmarga staði, haldi fjarlægð og noti grímu þegar það er ekki hægt.

Þórólfur hvetur viðburðahaldara til að krefjast neikvæðrar niðurstöðu úr hraðprófum þó reglugerð kveði ekki á um slíkt á minni viðburðum.

Frétt af mbl.is

160.000 verða boðuð í örvunarbólusetningu

Hann benti enn fremur á átak í örvunarbólusetningu og sagðist vonast til að þær skili árangri til að ná viðunandi hjarðónæmi gegn veirunni. Reynslan eigi eftir að skera út um hvort svo verði eða ekki.

Tengdar fréttir

Kórónuveiran Covid-19

Helga svarar Kára

• Kári segir Helgu fara með rangt mál
• Heimsfaraldurinn var æfing í seiglu
• Engar aukaverkanir eftir 217 bólusetningar
• „Við þurfum að vera tilbúin“

» Fleiri tengdar fréttir

• 1 blogg um fréttina

Bloggað um fréttina

• Ómar Geirsson: Ekki í boði að vera fúll og hengja haus.