Guðlaugur Þór Þórðarson, umhverfis-, orku- og loftslagsráðherra, sagði í framboðsræðu sinni tvær ástæður vera fyrir því að hann bjóði sig nú fram til formanns Sjálfstæðisflokksins.

Frétt af mbl.is

Beint: Framboðsræður á landsfundi

Í fyrsta lagi finnist honum fylgi flokksins vera óásættanlegt og í öðru lagi þar sem búið væri að tapa samtalinu við hinn almenna flokksmann og þjóðina í heild.

Sagði hann jafnframt að núna væri rétti tíminn fyrir breytingar.

Vill snúa vörn í sókn

Guðlaugur spurði hvers vegna staða flokksins væri ekki betri en hún er og sagði að flokksmenn yrðu að geta tekist á, rætt málin og sagt sína skoðun.

„Ég vil snúa vörn í sókn og finna samhljóminn með gildum Sjálfstæðisflokksins og gildum Íslendinga.“

„Sjálfstæðisflokkurinn er og á alltaf að vera fjöldahreyfing og má aldrei verða einkaklúbbur útvalinna,“ sagði Guðlaugur einnig.

Tekur ekki í mál að ekki sé hægt að auka fylgið

Þá sagðist hann ekki taka í mál þann málflutning að ekki sé hægt að auka fylgi Sjálfstæðisflokksins.

Sagðist hann sem formaður flokksins ætla að hefjast handa við milliliðalaust samtal við flokksmenn um allt land.

„Stöndum saman, sínum hugrekki, verum óhrædd við breytingar og náum fyrri styrk á ný,“ sagði Guðlaugur í lok ræðu sinnar.

Tengdar fréttir

Landsfundur Sjálfstæðisflokksins 2022

Vilhjálmur Árnason kjörinn ritari

• Væri mikill heiður að leiða flokkinn
• Beint: Ávarp formanns
• Þórdís Kolbrún með afgerandi stuðning
• Allir flokksmenn hljóti að vilja vera saman í liði

» Fleiri tengdar fréttir

• 1 blogg um fréttina

Bloggað um fréttina

• Hallmundur Kristinsson: Sjálfstæðismenn munu ganga sameinaðir...