Friðjón R. Friðjónsson, borgarfulltrúi Sjálfstæðisflokksins, kallaði í dag eftir afsögn borgarstjóra í ræðu um fjárhag Reykjavíkurborgar. Hann hvatti til þess að Einar Þorsteinsson, formaður borgarráðs, taki við nú þegar í stað þess að bíða til næsta árs.

Friðjón sagði að fjárhagsstaða Reykjavíkurborgar væri þannig að á meðan Dagur B Eggertsson hafi setið í borgarstjórn hafi skuldir borgarinnar á íbúa margfaldast og ítrekað hafi áætlanir brugðist.

Dagur B. Eggertsson, borgarstjóri. mbl.is/Eggert Jóhannesson

Friðjón spurði borgarfulltrúa Framsóknarflokksins að því hvað þeir ætli að láta blekkja sig oft, í ljósi þess að fyrri meirihluti hefði ekki sagt satt í leikskólamálum, ekki satt um fjárhagsstöðu borgarinnar og núna ætli þeir að trúa borgarstjóra um aðgerðir til lausn fjárhagsvanda borgarinnar.

„Þess vegna færi best á því að borgarstjóri Dagur Eggerstsson bíði ekki fram í janúar á næsta ári segi af sér hér og nú og láti verðandi borgarstjóra eftir stjórn borgarinnar. Hann hefur siglt þessari skútu í strand og það er smá von um að nýr borgarstjóri geti tekið í taumana. Geti veitt betri verkstjórn en sá sem nú situr tímabundið í stól borgarstjóra,“ sagði Friðjón í ræðu sinni.

Tengdar fréttir

Fjárhagsörðugleikar Reykjavíkurborgar

Skuldahalinn lengist í Reykjavík

• Dagur: „Framsetningin einhliða og ýkjukennd“
• Sagði ekkert tortryggilegt við samningana
• Samstaða um að auka ekki álögur
• Olíufélögin fái milljarða í afslátt frá borginni

» Fleiri tengdar fréttir

• 1 blogg um fréttina

Bloggað um fréttina

• Óðinn Þórisson: Dagur B. versti borgarstjóri í sögu Reykjavíkur