1.600 skjálftar og ekki dregur úr virkninni
Horft yfir hraunið við Grindavík og að Hagafelli, þar sem gos þykir einna líklegast.
mbl.is/Eggert Johannesson
Setja bókamerki
Um 1.600 skjálftar hafa mælst frá miðnætti í dag og ekkert lát er á smáskjálftavirkni. Einar Hjörleifsson, náttúruvársérfræðingur hjá Veðurstofu Íslands, segir að nú standi yfir biðleikur.
„Við sjáum litlar breytingar frá degi til dags og það er ekkert merki um að virknin sé að minnka,“ segir Einar í samtali við mbl.is.
Stærsti skjálfti dagsins mældist 2,8 að stærð og varð hann kl. 15.02.
Einar segir skjálftana vera á sama meðaldýpi og áður, á um 5 kílómetra dýpt en að af og til mælist skjálftar grynnra en það.
Þyrla forsetans lenti í „slysi“
Haustbragur í maí: Snjókoma fyrir norðan
„Okkur mun ekki bregða“
Vantar fólk: „Þetta er gaman en það er ekki nóg“
Halla: Líkti Ólafi Ragnari ekki við Robert Mugabe
Telur að Rússar herði sókn sína í norðaustri
Veita fyrirtækjum brú yfir óvissutímabil